ৰূপক শৰ্মাৰ সভাত কংগ্ৰেছী কৰ্মীৰ ভিৰ

কংগ্ৰেছ এৰি বিজেপিৰ সভাত যোগদান শতাধিক কংগ্ৰেছ কৰ্মীৰ ৷

হোজাই, 5 এপ্ৰিল : নগাঁও জিলা লোকসভা সমষ্টিৰ বিজেপি প্ৰাৰ্থী ৰূপক শৰ্মাৰ নিৰ্বাচনী সভাত যোগদান শ-শ কংগ্ৰেছী নেতা-কৰ্মীৰ ৷ শিৰত বিজেপিৰ টুপী আৰু ডিঙিত বিজেপিৰ নাম সন্নিবিষ্ট বস্ত্ৰ লৈ ৰূপক শৰ্মাৰ নিৰ্বাচনী সভাত উপস্থিত হয় শতাধিক কংগ্ৰেছী কৰ্মী ৷

বৃহস্পতিবাৰে লংকাৰ লংকেশ্বৰী নাট্য মন্দিৰত অনুষ্ঠিত হোৱা বিজেপিৰ সভাত দেখিবলৈ পোৱা গ'ল এই ব্যতিক্ৰমী দৃশ্য ৷ ৰূপক শৰ্মাৰ উপৰিও হোজাই সমষ্টিৰ বিধায়ক শিৱাদিত্যদেৱ,অসম ৰাজ্যিক যুৱ মৰ্চাৰ সভাপতি অনুপ বৰ্মনসহ ভালেসংখ্যক বিজেপি নেতা উপস্থিত থকা বিজেপি যুৱ মৰ্চাৰ বিজয় লক্ষ্য ২০১৯ শীৰ্ষক সভাত কংগ্ৰেছ এৰি বিজেপিক সমৰ্থন কৰা দেখা গ'ল কংগ্ৰেছী কৰ্মীসকলে ৷ কংগ্ৰেছী কৰ্মীসকলৰ ন কৈ বিজেপিত যোগদান কৰা কাৰ্যত উৎফুল্লিত হৈ পৰে নগাঁও জিলা লোকসভা সমষ্টিৰ বিজেপি প্ৰাৰ্থী ৰূপক শৰ্মা ৷