বঢ়মপুৰ,26 মাৰ্চ: আগন্তুক নিৰ্বাচনত ৰহা সমষ্টিত কংগ্ৰেছ দলৰ জয় নিশ্চিত বুলি মন্তব্য ৰহা সমষ্টিৰ কংগ্ৰেছ দলৰ প্ৰাৰ্থী শশী কান্ত দাসৰ ৷ সমষ্টিটোত নিৰ্বাচনী চলাই এই মন্তব্য কৰে প্ৰাৰ্থী গৰাকীয়ে ৷ ৰহা সমষ্টিৰ বিভিন্ন স্থানৰ লগতে বগলাজান পঞ্চায়তত মহাজোঁটৰ প্ৰাৰ্থী গৰাকীয়ে নিৰ্বাচনী প্ৰচাৰ চলায় ৷ উক্ত নিৰ্বাচনী সভাতে অগপ আৰু বিজেপিৰ পঞ্চাশ গৰাকী কৰ্মীয়ে কংগ্ৰেছ দলত যোগদান কৰে ৷ নিৰ্বাচনী প্ৰচাৰ চলোৱাৰ সমান্তৰালকৈ প্ৰাৰ্থী গৰাকীয়ে বাহাকাবাৰী প্ৰাথমিক বিদ্যালয়ৰ খেল পথাৰৰ বননিত বহি ৰাইজৰ লগত এসাজ একেলগে আহাৰ গ্ৰহণ কৰি এইবাৰৰ নিৰ্বাচনত সমষ্টিটোৰ পৰা তেওঁ জয়লাভ কৰিব বুলি মন্তব্য কৰে ৷
উল্লেখ্য যে, শুকুৰবাৰে ৰাজ্যত প্ৰথম পৰ্যায়ৰ ভোটগ্ৰহণ অনুষ্ঠিত হোৱাৰ পৰিৱৰ্তে ক্ৰমে 1 আৰু 6 এপ্ৰিলত দ্বিতীয় আৰু তৃতীয় পৰ্যায়ৰ ভোটগ্ৰহণ অনুষ্ঠিত হ'ব ৷ ইতিমধ্যে কংগ্ৰেছ মহাজোঁট আৰু বিজেপি মিত্ৰজোঁটৰ বহুকেইগৰাকী ষ্টাৰ কেম্পেইনাৰে নিৰ্বাচনী প্ৰচাৰ চলোৱাৰ পৰিৱৰ্তে ৰাজ্যৰ নৱগঠিত আঞ্চলিক ৰাজনৈতিক দলেও ব্যাপক প্ৰচাৰ চলাই ৰাইজৰ কাষ চাপিবলৈ চেষ্টা কৰা পৰিলক্ষিত হৈছে ৷
লগতে পঢ়ক: আজি কমলপুৰত ৰণ ডংকা বজাব অমিত শ্বাহে
