বঢ়মপুৰ, ৬ ফেব্ৰুৱাৰী: শুক্ৰবাৰে নিশা নগাঁৱৰ ৰাঙলুত আৰক্ষী আৰু গাঁওৰক্ষী বাহিনীৰ অভিযানত আটক নিচাযুক্ত দ্ৰব্য সৰবৰাহৰে জড়িত ৩ জন যুৱক । ৰাঙলু আৰক্ষীৰ অভিযানত ক'ডাৰেক্সৰ ৩টা বটল আৰু নিচাযুক্ত টেবলেট জব্দ হয় ।
গাঁওৰক্ষী বাহিনীৰ সহায়ত আৰক্ষীয়ে যুৱককেইজনক আটক কৰে ৷ ধৃত যুৱককেইজন হৈছে কঠিয়াতলীৰ হাইবুৰ ৰহমান,আইজুল হক আৰু আটাবুৰ ৰহমান । আটাইকেইজনেৰ ঘৰ কঠিয়াতলীত বুলি জনিব পৰা গৈছে ।
ইতিমধ্যে ধৃত তিনি যুৱকক ৰাঙলু আৰক্ষীয়ে নগাঁও সদৰ আৰক্ষী থানালৈ প্ৰেৰণ কৰিছে । শেহতীয়াকৈ জিলাখনত বৃদ্ধি হৈ অহা নিচাযুক্ত দ্ৰব্যৰ সৰবৰাহ ৰোধৰ বাবে সৰৱ হৈছে নগাঁও আৰক্ষী । সময়ে সময়ে আৰক্ষীয়ে অভিযান চলাই নিচাযুক্ত দ্ৰব্য জব্দ কৰাৰ লগতে ড্ৰাগছ সৰবৰাহকাৰীক কৰায়ত্ত কৰিবলৈও সক্ষম হৈছে ।
