নগাঁও চহৰত উদ্ধাৰ এটি কণমানি শিশু

এজন লোকে শিশুটিক মিছন মাৰ্কেটৰ পদপথত এৰি পলায়ন কৰে । শিশুটিক এৰি যোৱাৰ সময়ত প্ৰত্যক্ষ কৰা একাংশই শিশুটিৰ বাবে কিবা কিনিবলৈ যোৱা বুলি ভাবিছিল । কিন্তু শিশুটিক এৰি যোৱা লোকজন দীর্ঘসময় উপস্থিত নোহোৱাত শিশুটিৰ কাষ চাপে প্ৰত্যক্ষদৰ্শী ।

নগাঁও,12 মে’ : মাতৃ দিৱসৰ দিনাই নগাঁৱত হৃদয়বিদাৰক ঘটনা ৷ চহৰৰ মাজমজিয়াত উদ্ধাৰ এটি কণমানি কন্যা শিশু ৷ চহৰৰ পদপথত বহি মাতৃক বিচাৰি কান্দোনত ভাঙি পৰে কণমানি কন্যা শিশুটো । উল্লেখ্য যে, দেওবাৰে সন্ধিয়া শিশুটি উদ্ধাৰ হয় নগাঁও চহৰৰ মিছন মাৰ্কেটত । এজন লোকে শিশুটিক মিছন মাৰ্কেটৰ পদপথত এৰি পলায়ন কৰে । শিশুটিক এৰি যোৱাৰ সময়ত প্ৰত্যক্ষ কৰা একাংশই শিশুটিৰ বাবে কিবা কিনিবলৈ যোৱা বুলি ভাবিছিল । কিন্তু শিশুটিক এৰি যোৱা লোকজন দীর্ঘসময় উপস্থিত নোহোৱাত শিশুটিৰ কাষ চাপে প্ৰত্যক্ষদৰ্শী । অৱশেষত শিশুটিৰ কান্দোন সহিব নোৱাৰি স্থানীয় লোকে খবৰ দিয়ে আৰক্ষী থানাত। নগাওঁ সদৰ আৰক্ষী থানাৰ ভাৰপ্ৰাপ্ত বিষয়া শৈলেন দেউৰী উপস্থিত হৈ শিশুটিক উদ্ধাৰ কৰি চমজায় দিয়ে চাইল্ড লাইনক ।