ৰহা, 13 অক্টোবৰঃ অৱশেষত উদ্ধাৰ হ'ল বৃহস্পতিবাৰে ৰহাৰ বামুণীজানৰ কপিলী নদীত নিখোজ হোৱা ৰহাৰ দীঘলদৰিৰ তপন নাথ নামৰ লোকজনৰ মৃতদেহ। ঘটনাস্থলীৰ পৰা তিনি কিলোমিটাৰ পশ্চিমে সৰিয়হতলীত উদ্ধাৰ হয় মৃতদেহটো। ৰহা আৰক্ষীয়ে মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে চিকিৎসালয়লৈ প্ৰেৰণ কৰে। উল্লেখ্য যে বৃহস্পতিবাৰে পুৱা এটি কন্যা সন্তানৰ পিতৃ তপনে দীঘলদৰিৰ পৰা আহি ৰহস্যজনকভাৱে বামুণীজানত কপিলী নদীত পৰে। পিচত দুৰ্যোগ প্ৰশমন বিভাগে তিনিদিন ধৰি কপিলী নদীত অভিযান চলায়ো উদ্ধাৰ কৰিব পৰা নাচিল তপনৰ মৃতদেহ। অৱশেষত চাৰিদিনৰ পিচত ঘটনাস্থলীৰ পৰা তিনি কিলোমিটাৰ পশ্চিমে উদ্ধাৰ হ'ল তপনৰ মৃতদেহ।
কপিলী নদীত উদ্ধাৰ যুৱকৰ মৃতদেহ
