বটদ্ৰৱা,9মে': বটদ্ৰৱাৰ ধনীয়াভেটিত বৃহস্পতিবাৰে দুই ফৈদৰ মাজত সৃষ্টি হয় প্ৰচণ্ড মাৰপিট ৷ মাটিৰ বিবাদকলৈ সৃষ্টি হোৱা প্ৰচণ্ড মাৰপিটত আহত হয় পাঁচজনকৈ লোক । আহত কেইজনক বটদ্ৰৱা প্ৰথমিক চিকিৎসালয়লৈ লৈ যায় যদিও গুৰুতৰভাৱে আহত আব্দুল ৰচিদৰ ফৈদৰ আব্দুল ৰচিদ আৰু আব্দুল ৰফিৰ অৱস্থা সংকটজনক হৈ পৰাত উন্নত চিকিৎসাৰ বাবে নগাঁৱলৈ প্ৰেৰণ কৰে ।
বটদ্ৰৱাত ভূমি কেন্দ্ৰিক সংঘাত, আহত 5
ইফালে আঘাতপ্ৰাপ্ত লোক কেইজনৰ অভিযোগ অনুসৰি আতাবুৰ ৰহমানৰ ফৈদে দা, যাঠি আৰু তৰোৱালেৰে আক্ৰমণ কৰাত আহত হয় আব্দুল ৰচিদৰ ফৈদৰ মহিলাসহ পাঁচজনকৈ লোক । এডোখৰ মাটিৰ দখলক লৈ দীৰ্ঘদিন ধৰি দুই ফৈদৰ মাজত চলি আহিছিল সংঘাত ৷ যাৰ বাবে বৃহস্পতিবাৰে আব্দুল ৰচিদৰ ফৈদে পুখুৰীত মাছ মাৰিবলৈ যাওঁতেই আতাবুৰ ৰহমানৰ ফৈদে পুখুৰীত মাছ মাৰিবলৈ বাধা প্ৰদান কৰিছিল আৰু তাৰ পাচতে উভয় পক্ষৰ মাজত সৃষ্টি হোৱা বাকবিতণ্ডাই ভয়াবহ ৰূপ ধাৰণ কৰে ৷
