বটদ্ৰৱা,10 ছেপ্টেম্বৰঃবটদ্ৰৱাত সংঘটিত হয় এক পথ দুৰ্ঘটনা । এই দুৰ্ঘটনাত থিতাতে নিহত হয় এজন যুৱক । যুৱকজন বটদ্ৰৱা ছলাপথাৰৰ আমিৰ হামজা বুলি জানিব পৰা গৈছে। নগাঁৱৰ পৰা নিজ বাসগৃহলৈ গৈ থকা অৱস্থাত AS-02C-C1594 নম্বৰৰ এখন টেম্পোৱে পিছফালৰ পৰা খুন্দা মৰাত নিহত হয় নম্বৰ প্লেট বিহীন স্কুটিখনৰ আৰোহী আমিৰ হামজা । ইতিমধ্যে ঘটনাস্থলীত বটদ্ৰৱা আৰক্ষী উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে প্রেৰণ কৰিছে নগাৱঁলৈ । ৰাইজৰ সন্দেহ বৰষুণৰ বাবেই তীব্ৰগতিৰে গাড়ী চলোৱাৰ ফলতেই সংঘটিত হয় এই দুর্ঘটনা।
বটদ্ৰৱাত ভয়ংকৰ পথ দুৰ্ঘটনা, নিহত এজন
