বঢ়মপুৰ,18এপ্ৰিল: বৃহস্পতিবাৰে সমগ্ৰ দেশৰ লগতে অসমতো অনুষ্ঠিত হৈছে দ্বিতীয় পৰ্যায়ৰ নিৰ্বাচন। অসমৰ পাঁচটা সমষ্টিৰ ৰাইজে সাব্যস্ত কৰিছে ভোটদান। বৃহস্পতিবাৰে ভোটগ্ৰহণৰ সময়ত নগাঁৱত দেখা গ'ল এক ব্যতিক্ৰমী দৃশ্য । যি সময়ত চৰকাৰী চাকৰিয়ালে প'ষ্টেল ভোট দি নিজৰ ভোটদান সাব্যস্ত কৰে ঠিক তেনে সময়তে এজন আৰক্ষী জোৱানে নিজ ভোটকেন্দ্ৰটোতে ভোটদান সাব্যস্ত কৰে ৷ এই ক্ষেত্ৰত জোৱানজনক আগভাগ লয় নগাঁও আৰক্ষী অধীক্ষক শংকৰব্ৰত ৰায় মেধিয়ে ৷
নগাঁও আৰক্ষী অধীক্ষকগৰাকীৰ লগত কৰ্মত নিয়োজিত থকাৰ বাবে ভোটদান কৰিব পৰা নাছিল জোৱানজনে । কিন্তু নগাঁও আৰক্ষী অধীক্ষক শংকৰব্ৰত ৰায় মেধিয়ে জোৱানজনৰ সৈতে নিজেই লগত আহি 76 নং শিঙীয়া পোটনী বালিকা প্ৰাইমেৰী স্কুলৰ ভোটকেন্দ্ৰত ভোটদান কৰায় ৷ লগতে আৰক্ষীৰ অধীক্ষকগৰাকীয়ে এই কাৰ্যৰ জৰিয়তে সকলোকে যিকোনো বাধা নেওচি নিজৰ ভোটদান প্ৰদান কৰিবলৈ আহ্বান জনায় ৷
