বঢ়মপুৰ,৬ জুন: কামপুৰৰ বকুলগুৰিত উত্তেজনা । কঠিয়াতলি উন্নয়ন খণ্ডৰ অন্তৰ্গত বকুলগুৰি গাঁও পঞ্চায়তত গাঁওসভা চলি থকাৰ মাজতেই সৃষ্টি হয় উত্তেজনাময় পৰিস্থিতিৰ (Tense situation at Kampur)। বকুলগুৰি পঞ্চায়তৰ জীৱিকা সখী হুছনাৰা বেগমে প্ৰধানমন্ত্ৰী ফচল বীমা যোজনাৰ প্ৰ-পত্ৰ পূৰণৰ নামত অবাধে ৫০০ টকাকৈ সংগ্ৰহ কৰাৰ অভিযোগ উত্থাপন কৰি স্থানীয় ৰাইজে সৃষ্টি কৰে উত্তপ্ত পৰিস্থিতিৰ (Pradhan Mantri Fasal Bima Yojana) ।
জীৱিকা সখী হুছনাৰা বেগমে আব্দুল কুদ্দুছ আৰু আব্দুল চামাৰ নামৰ আন দুজন ব্যক্তিৰ সহযোগত পঞ্চায়তটোৰ বহু দৰিদ্ৰ লোকৰ পৰা প্ৰধানমন্ত্ৰী ফচল বীমা যোজনাৰ প্ৰ-পত্ৰ পূৰণ কৰি দি ৫০০ টকাকৈ সংগ্ৰহ কৰা বুলি অভিযোগ উত্থাপন কৰে স্থানীয় ৰাইজে (Corruption in Bakulguri Panchayat) । এই সন্দৰ্ভত হুছনাৰা বেগম, আব্দুল কুদ্দুছ আৰু আব্দুল চামাৰৰ বিৰুদ্ধে বকুলগুৰি পঞ্চায়তৰ গাঁওসভাত প্ৰস্তাৱ গ্ৰহণ কৰি নগাঁও জিলাৰ উপায়ুক্ত, কৃষি বিষয়া, কামপুৰ ৰাজহ চক্ৰ বিষয়া, আৰক্ষী অধীক্ষৰ ওচৰত ৰাইজে লিখিত অভিযোগ দাখিল কৰে ৷
উল্লেখযোগ্য যে অসম ৰাজ্যিক গ্ৰামীণ জীৱিকা অভিযান, কঠিয়াতলি খণ্ডৰ অন্তৰ্গত গাৰোখুন্দা আৰু কচুৱাৰ জীৱিকা সখীয়েও প্ৰধানমন্ত্ৰী ফচল বীমা যোজনাৰ প্ৰতিখন প্ৰ-পত্ৰ পূৰণৰ নামত ৫০০ টকাকৈ সংগ্ৰহ কৰাৰ অভিযোগ উত্থাপন হৈছিল । সেই বাতৰি সংবাদ মাধ্যমত সবিস্তাৰে সম্প্ৰচাৰো হৈছিল । ইয়াৰ পাছতেই কামপুৰৰ স্থানীয় ৰাইজে বকুলগুৰিৰ জীৱিকা সখী হুছনাৰা বেগমৰ বিৰুদ্ধেও অনুৰূপ অভিযোগ উত্থাপন কৰে ।
লগতে পঢ়ক: বিক্ৰী কৰিবলৈ আহিছিল গঁড়ৰ খৰ্গ; সোমাল ৰঙাঘৰত
