মৰিগাঁও,২৮জুন : মৰিগাঁও জিলাৰ ভূৰাগাঁৱত পকী দলং নিৰ্মাণৰ নামত অনিয়ম। ভূৰাগাঁও ৰাজহ চক্ৰৰ অন্তৰ্গত সোনডোবা-বৰালিমাৰী সংযোগী পথটোত চাৰিখন পকী দলং নিৰ্মাণৰ কাম আৰম্ভ কৰা হৈছিল সাত বছৰ পূৰ্বে । কিন্তু বৰ্তমানেও দলংকেইখনৰ কাম সম্পূৰ্ণ হোৱা নাই। মৰিগাঁৱৰ যাদৱ কোৱৰ নামৰ ঠিকাদাৰজনে দলংকেইখনৰ ঠিকাৰ কাম লাভ কৰিছিল। কিন্তু ঠিকাদাৰজনে দলংখনৰ কাম আধৰুৱা কৰি থয়। যাৰ ফলত বৃহত্তৰ অঞ্চলটোৰ জনসাধাৰণে যাতায়তৰ ক্ষেত্ৰত চৰম যাতনা ভোগ কৰিব লগীয়া হৈছে। বিদ্যালয়ৰ ছাত্ৰ-ছাত্ৰীসকলৰ লগতে ৰোগীসকলেও বহু অসুবিধাৰ সন্মুখীন হৈছে। স্থানীয় ৰাইজে ঠিকাদাৰজনক এই কামৰ পৰা আতৰাই অৰ্ধ নিৰ্মিত দলংকেইখনৰ কাম সম্পূৰ্ণ কৰিবলৈ বিভাগীয় কৰ্তৃপক্ষক দাবী জনায়।
মৰিগাঁৱত পকী দলং নিৰ্মাণৰ নামত অনিয়ম
