মৰিগাঁও,19 নৱেম্বৰ : মৰিগাঁৱৰ ভূৰবন্ধাত বুধবাৰে উদযাপন কৰা হয় তিৱা যুৱ ছাত্ৰ পৰিষদৰ সপ্তদশ প্ৰতিষ্ঠা দিৱস ৷ মধ্য অসমৰ তিৱা ছাত্ৰৰ অন্যতম সহযোগী সংগঠন তিৱা যুৱ ছাত্ৰ পৰিষদৰ প্ৰতিষ্ঠা দিৱস উপলক্ষে গীত, নৃত্যৰ আৰু গাম্ভীৰ্যপূৰ্ণ আলোচনা চক্ৰৰ আয়োজন কৰা হয় ৷
মুকলি সভাত উপস্থিত থাকি তিৱাসকলৰ আগশাৰী নেতা তুলসী বৰদলৈ, উপ সভাপতি ৰজনীকান্ত বৰদলৈ, সভাপতি দিলিপ বৰদলৈ প্ৰমুখ্যে বহুকেইজন তিৱা জাতীয়তাবাদী নেতাই নিজ বক্তব্য ৰাখে ৷
চৰকাৰৰ কেতবোৰ কামকাজক কটু ভাষাৰে সমালোচনা কৰে তিৱা নেতাসকলে । বিশেষকৈ তিৱা স্বায়ত্ব পৰিষদৰ নিৰ্বাচনৰ দিন ঘোষণা কৰাৰ সন্দৰ্ভত চৰকাৰৰ ভূমিকাক সমালোচনা কৰে আলোচক সকলে ।
লগতে পঢ়ক : বন বিভাগৰ পৃষ্ঠপোষকতাত ধুবুৰীত বন ধ্বংস অব্যাহত !
