সদৌ অসম ছাত্ৰ সন্থাৰ উদ্যোগত মৰিগাঁৱত ছাত্ৰ সংহতি দিৱস

খাদ্য আন্দোলনৰ শ্বহীদ গজেন ইংতি আৰু পুতুল শইকীয়াক স্মৰণ সদৌ অসম ছাত্ৰ সন্থাৰ ৷ উদযাপন 45 সংখ্যক ছাত্ৰ সংহতি দিৱস ৷

মৰিগাঁও, 10 জুন : সদৌ অসম ছাত্ৰ সন্থাৰ উদ্যোগত মৰিগাঁৱত উদযাপন ছাত্ৰ সংহতি দিৱস ৷ 1974 চনৰ খাদ্য আন্দোলনত শ্বহীদ হোৱা শ্বহীদ গজেন ইংতি আৰু পুতুল শইকীয়াৰ স্মৃতি ৰক্ষাৰ বাবে আছুৱে ৰাজ্যজুৰি পালন কৰি আহিছে এই দিৱস । বিগত বৰ্ষসমূহৰ দৰেই এইবেলিও মৰিগাঁও জিলা ছাত্ৰ সন্থাৰ উদ্যোগত , ভূৰবন্ধা আঞ্চলিক ছাত্ৰ সন্থাৰ সহযোগত ঔগুৰি উচ্চ মাধ্যমিক বিদ্যালয়ৰ প্ৰাংগণত উদযাপন কৰা হয় 45 সংখ্যক ছাত্ৰ সংহতি দিৱস । ছাত্ৰ সংহতি দিৱসৰ পতাকা উত্তোলন কৰি সোঁৱৰণ কৰা হয় বীৰ শ্বহীদ দুগৰাকীক ৷ ইপিনে এসময়ত আছু কৰিয়েই বৰ্তমানে শাসনৰ বাঘজৰীডাল ধৰিও শ্বহীদ পৰিয়াল দুটাৰ ক্ষেত্ৰত কোনো পদক্ষেপ গ্ৰহণ নকৰাত ক্ষোভিত হৈ আছুৰ এই কাৰ্যসূচী বৰ্জন কৰে শ্বহীদ পৰিয়াল দুটাই ৷

উল্লেখ্য যে, ১৯৭৪ চনৰ আজিৰ এই দিনটোতে ভূৰবন্ধাৰ ঔগুৰি উচ্চ মাধ্যমিক বিদ্যালয়ৰ দুই ছাত্ৰ পুতুল শইকীয়া আৰু গজেন ইংতিয়ে জাতিৰ বাবে পুলিচৰ গুলী বুকুত পাতি লৈছিল । কিন্তু পৰিতাপৰ বিষয় যে, বীৰ শ্বহীদ দুগৰাকীৰ পৰিয়ালবৰ্গই আজি পৰ্যন্ত লাভ নকৰিলে কোনো চৰকাৰী সাহাৰ্য্য নাপালে ৷