মৰিগাঁও, 20 অক্টোবৰ: মৰিগাঁৱত এন.এছ.ইউ.আই মৰিগাঁও জিলা সমিতিৰ উদ্যোগত ৰূপায়ন প্ৰতিবাদী কাৰ্যসূচী ৷ বিজেপি চৰকাৰৰ বিৰুদ্ধে সংগঠনটোৱে ৰূপায়ন কৰে প্ৰতিবাদী কাৰ্যসূচী ৷ প্ৰতিবাদকাৰী সকলে বিজেপি চৰকাৰৰ প্ৰতীকি পুত্তলিকা দাহ কৰাৰ সময়তে প্ৰতিবাদস্থলীত উপস্থিত হয় আৰক্ষী ৷ প্ৰতিবাদকাৰী সকলে আৰক্ষীৰ সৈতে বাক-বিতণ্ডাত লিপ্ত হয় ৷
বিজেপি চৰকাৰে ৰাজ্যৰ নিবনুৱা সমস্যা সমাধানৰ প্ৰতিশ্ৰুতি প্ৰদান কৰা স্বত্বেও, সেই প্ৰতিশ্ৰুতি ৰক্ষা কৰাৰ বিপৰীতে ৰাজ্যত অধিক জটিল ৰূপত নিবনুৱা সমস্যাৰ সৃষ্টি কৰিছে বুলি অভিযোগ উত্থাপন কৰে প্ৰতিবাদকাৰী সকলে ৷ বিজেপি চৰকাৰক শীঘ্ৰে নিবনুৱা সমস্যা সমাধান কৰাৰ দাবী জনায় প্ৰতিবাদকাৰী সকলে ৷ অন্যথা ছাত্ৰ সংগঠনটোৰ উদ্যোগত জিলাখনৰ প্ৰতিটো বিধানসভা সমষ্টিতে প্ৰতিবাদী কাৰ্যসূচী ৰূপায়ন কৰা হ'ব বুলি সকীয়নি প্ৰদান কৰে ৷
লগতে পঢ়ক: মুখ্যমন্ত্ৰীৰ পুত্তলিকা দাহেৰে টীয়কত কৃষক মুক্তিৰ প্ৰতিবাদ
