মৰিগাওঁ,27 ডিচেম্বৰঃ শুক্ৰবাৰে মৰিগাঁও জিলা সাহিত্য সভাৰ উদ্যোগত কিৰণবালা হাজৰিকা সোঁৱৰণী তোৰণখন মুকলি কৰা হয় ৷ অনুষ্ঠানত উপস্থিত থাকে অসম সাহিত্য সভাৰ সভাপতি ডঃ পৰমানন্দ ৰাজবংশী ৷ কাৰ্যসূচীৰ লগত সংগতি ৰাখি সাহিত্য সভাৰ সভাগৃহত অনুষ্ঠিত হয় এক মুকলি সভা ৷ বুবুমণি গোস্বামীৰ পৌৰহিত্যত অনুষ্ঠিত সভাত ৰাজ্যৰ শেহতীয়া পৰিস্থিতি সন্দৰ্ভত প্ৰতিক্ৰিয়া প্ৰকাশ কৰে সাহিত্য সভাৰ সভাপতিগৰাকীয়ে ৷
মৰিগাঁৱত সাহিত্য সভাৰ উদ্যোগত তোৰণ মুকলি অনুষ্ঠান
পিনাকী ভূষণ মহন্তই আঁতধৰা সভাখনত পতাকা উত্তোলনৰ পিছত জাতীয় সংগীত পৰিৱেশন কৰা হয় । গাম্ভীৰ্যপূৰ্ণ অনুষ্ঠানটোত মৰিগাঁও জিলা সাহিত্য সভাৰ প্ৰতিষ্ঠাপক সভাপতি তথা প্ৰাক্তন অধ্যক্ষ নৰেন্দ্ৰ নাথ কেওঁট প্ৰমুখ্যে বহুকেইজন বিশিষ্ট সাহিত্যিক,পেঞ্চনাৰ আদি উপস্থিত থাকে।
লগতে চাওকঃ30 ডিচেম্বৰৰ অসম বন্ধ প্ৰত্যাহাৰ
