মৰিগাঁও,২৮ মে': মৰিগাঁৱৰ আমলিঘাটত ভয়াৱহ অগ্নিকাণ্ড । কেইবা লক্ষাধিক টকাৰ গো-ধনৰ খাদ্য নষ্ট হয় এই অগ্নিকাণ্ড । কথমপি ৰক্ষা পৰে কেইবাটাও বাসগৃহ আৰু পশুধন । জানিব পৰা মতে বৃহস্পতিবাৰে নিশা অঞ্চলটোৰ এজন গো-পালকৰ খেৰৰ মেজিত প্ৰথমে জুইৰ সূত্ৰপাত হয় । মুহূৰ্ততে জুইয়ে ছানি ধৰে অঞ্চলটো ৷
জুইত জাহ গ'ল আমলিঘাটৰ গো-পালক লোকনাথ থাপাৰ লক্ষাধিক টকাৰ খেৰ ৷ মেজিটোৰ কাষতে আছিল গোহালি আৰু বাসগৃহ । কোনো দুৰ্বৃত্তই খেৰৰ মেজিটোত অগ্নিসংযোগ কৰাৰ আশংকা কৰিছে স্থানীয় লোকে ৷
অৱশ্যে মেজিটোৰ কাষতে থকা গোহালি আৰু বাসগৃহলৈ অগ্নি বিয়পি যোৱাৰ পূৰ্বেই স্থানীয় ৰাইজৰ সহযোগত আৰু মৰিগাঁৱৰ পৰা অহা অগ্নিনিৰ্বাপক বাহিনীয়ে তৎপৰতাৰে মেজিৰ জুই নিয়ন্ত্ৰণ কৰিবলৈ সক্ষম হয় ।
লগতে পঢ়ক:লংকাত আৰক্ষীৰ অভিযানত জব্দ বৃহৎ পৰিমাণৰ ব্ৰাউন চুগাৰ
