মৰিগাঁও,5 ডিচেম্বৰ: মৰিগাঁৱত আৰক্ষীৰ সফল অভিযান । শুকুৰবাৰে নিশা চলোৱা এক অভিযানত মৰিগাঁৱৰ পৰা আৰক্ষীয়ে জব্দ কৰে ১৮ পেকেট হেৰ'ইন আৰু এখন বাইক । মৰিগাঁও জিলাৰ আৰক্ষী অধীক্ষক ড0 নন্দ সিং বৰকলাই জনোৱা অনুসৰি, এক গোপন খবৰৰ ভিত্তিত আৰক্ষীয়ে অভিযান চলাই জব্দ কৰে এই হেৰ'ইনখিনি ।
প্ৰাপ্ত তথ্য অনুসৰি, মৰিগাঁও বঘৰাৰ সমীপত এখন বাইকত এজন লোকে সন্দেহজনকভাৱে ৰৈ আছিল ৷ সেই সময়তে আৰক্ষীয়ে উক্ত স্থানত অভিযান চলায় ৷ কিন্তু আৰক্ষীৰ উমান পাই পলায়ন কৰে যুৱকজনে ৷
আনহাতে, লোকজনৰ বাইকৰ পৰা উদ্ধাৰ কৰা হয় 18 পেকেটকৈ হেৰ'ইন ৷ উদ্ধাৰ হোৱা নিচাজাতীয় সামগ্ৰীখিনিৰ মূল্য প্ৰায় 23.40 লাখ বুলি আৰক্ষীয়ে প্ৰকাশ কৰে ৷ ড0 নন্দ সিং বৰকলাই সদৰী কৰা মতে, মৰিগাঁৱত হেৰ'ইনৰ 70 টাকৈ পেকেট কোনো লোকে অনাৰ খবৰ পাইছিল আৰক্ষীয়ে ৷ ইয়াৰ ভিত্তিতেই 18 টা পেকেট জব্দ কৰে ৷
অন্য এক খবৰৰ বাবে: অহা বিধান সভা নিৰ্বাচনত অসমৰ পৰা নিঃশেষ হ’ব বিজেপি দল: চন্দন ব্ৰহ্ম
