জাগীৰোড, 21 জুনঃ এন আৰ চিৰ নামত একাংশ লোকে ভুৱা নথি-প্ৰত্ৰ প্ৰদান কৰা বুলি ভিন্ন সময়ত অভিযোগ উত্থাপন উঠি আহিছে ৷ এই অভিযোগ সমূহক সত্য প্ৰমাণিত কৰি ভুৱা নথি প্ৰত্ৰ যোগান ধৰা এজন লোকক হাতে লোটে ধৰা পেলাই জাগীৰোড আৰক্ষীয়ে ৷
মৰিগাঁও জিলাৰ মৈৰাবাৰীৰ চহৰীয়া গাঁৱৰ পৰা মফিদুল ইছলাম নামৰ লোকজনক আটক কৰে জাগীৰোড আৰক্ষীয়ে ৷ লগতে লোকজনৰ ব্যৱসায়ীক প্ৰতিষ্ঠানৰ পৰা বহু জাল নথিপত্ৰ আৰু চীল-মোহৰ জব্দ কৰিবলৈ সক্ষম হয় ৷ ১৯ খন ভুৱা পান কাৰ্ড, ১০ খন ভোটাৰ কাৰ্ড,৫০ খন মবাইল চিম কাৰ্ড,১৭ খন এটিএম কাৰ্ড,৭১ খন পান কাৰ্ডৰ প্ৰ-পত্ৰ, ৭ খন জন্মৰ প্ৰমাণ পত্ৰ, CSP (গ্ৰহক সেৱা কেন্দ্ৰ ) , স্বাৱলম্বী গোট আৰু মৰিগাঁও জিলা ন্যায়াধীশৰ চীল-মোহৰ সহ এটা লেপটপ জব্দ কৰিবলৈ সক্ষম হয় জাগীৰোড আৰক্ষীয়ে ৷ ঘটনা সন্দৰ্ভত মফিদুল ইছলামক জেৰা কৰাৰ লগতে তদন্ত অব্যাহত ৰাখিছে আৰক্ষীয়ে ৷
লগতে পঢ়কঃ ওৰাঙত পিতৃৰ হাতত প্ৰাণ গ'ল সদ্য বিবাহিত পুত্ৰৰ
উল্লেখ্য যে, জাগীৰোডৰ গোভা NRC কেন্দ্ৰত মৰিগাওঁ জিলাৰ মৈৰাবাৰীৰ চহৰীয়া গাঁৱৰ ৰুকিয়া খাতুন নামৰ এগৰাকী মহিলাই NRCত নাম অন্তৰ্ভুক্তিৰ বাবে দাখিল কৰিছিল এখন ভুৱা পান কাৰ্ড ৷ NRC বিষয়াৰ সন্দেহ ওপজাত এই বিষয়ে অৱগত কৰে মৰিগাওঁ জিলা উপায়ুক্তক ৷ উপায়ুক্তৰ নিৰ্দেশ মৰ্মে মায়ং ৰাজহ চক্ৰৰ চক্ৰ বিষয়া সংঘমিত্ৰা বৰুৱাই জাগীৰোড আৰক্ষী থানাত ৰুজু কৰে এক গোচৰ ৷ সেই গোচৰৰ ভিত্তিত তদন্তক্ৰমে মৰিগাওঁ জিলাৰ মৈৰাবাৰীৰ পৰা আটক কৰে মফিদুল ইছলাম নামৰ এজন লোকক ৷ উক্ত ঘটনাত এক বৃহৎ দেশবিৰোধী চক্ৰ জৰিত থকাৰ সন্দেহ প্ৰকাশ কৰিছে মৰিগাওঁ জিলা প্ৰশাসনে ৷
