হেলিকপ্টাৰ চাবলৈ গৈ নিৰুদ্দেশ 9 বছৰীয়া ছাত্ৰ

লাহৰীঘাটৰ বিজেপি দলৰ নিৰ্বাচনী সভাত হেলিকপ্টাৰ চাবলৈ গৈ নিৰুদ্দেশ হয় এজন 9 বছৰীয়া ছাত্ৰ

মৰিগাঁও, ১২ এপ্ৰিল : মৰিগাঁও জিলাৰ ঔতলাবড়ী গাঁৱত অঘটন । বিজেপিৰ নিৰ্বাচনী সভাৰ পৰা নিৰুদ্দেশ হয় এজন ছাত্ৰ । 9 এপ্ৰিল দেওবাৰে লাহৰীঘাটৰ কুশতলিত অনুষ্ঠিত হোৱা এখন বিজেপি দলৰ বিশাল নিৰ্বাচনী সভাত হেলিকপ্টাৰ চাবলৈ গৈছিল ওৱাহিদুল ইছলাম নামৰ এজন 9 বছৰীয়া ছাত্ৰই । হেলিকপ্টাৰ চাবলৈ ওলাই যোৱাৰ পাচৰে পৰা বৰ্তমানলৈ ছাত্ৰজন ঘৰলৈ উভতি নোযোৱাত চিন্তিত হৈ পৰে পৰিয়ালৰ লোক । ইতিমধ্যেই ঘটনা সন্দৰ্ভত পৰিয়ালৰ লোকে লাহৰীঘাট থানাত গোচৰ ৰুজু কৰে যদিও বৰ্তমানলৈ ছাত্ৰজনৰ কোনো সম্ভেদ উলিয়াব পৰা নাই আৰক্ষীয়ে । কোনো সদাশয় লোকে ছাত্ৰজনৰ কোনো সন্ধান পালে স্থানীয় আৰক্ষী চকীত নাইবা পৰিয়ালৰ ৬০০১৩৭৪২৯৯ এই নম্বৰত যোগাযোগ কৰিবলৈ আহ্বান জনাইছে দুৰ্ভগীয়া পৰিয়ালটোৱে ।