ধিং/চামগুৰি, 6 জানুৱাৰী : মৰিগাঁৱৰ ধিঙত সংঘটিত হৈছে এক চাঞ্চল্যকৰ ঘটনা ৷ ধিঙৰ সোণাৰী গাঁৱৰ দলঙত বাইকত অহা দুৰ্বৃত্তৰ দলে গুলীয়ালে এজন যুৱকক । ঘটনাৰ সংঘটিত হোৱাৰ পাছতে স্থানীয় ৰাইজে চিঞৰ-বাখৰ কৰাত দুৰ্বৃত্তৰ দলটোৱে ঘটনাস্থলীৰ পৰা পলায়ন কৰে।
আনহাতে মূৰত গুলীবিদ্ধ হোৱা ছোহেল আহমেদ নামৰ যুৱকজনক মুমূৰ্ষু অৱস্থাত উদ্ধাৰ কৰি হাস্পতাললৈ প্ৰেৰণ কৰা হয় । ইফালে ঘটনাস্থলীত উদ্ধাৰ হৈছে খালী কাৰ্টিজৰ লগতে চোকা অস্ত্ৰ। ঘটনাস্থলীত ইতিমধ্যে আৰক্ষীৰ লোক উপস্থিত হৈ আৰম্ভ কৰিছে তদন্ত ৷
লগতে পঢ়ক: সুস্থ শৰীৰে পুত্ৰক ঘুৰাই পাই সুখী বিশ্বজিৎ দৈমাৰী
