মৰিগাঁও, 24 জুলাই : ক'ভিড যুদ্ধৰ সন্মুখ সেনানী এজন যোদ্ধাই এদল শিক্ষিত যুৱক-যুৱতীৰ সহায়ত বানাক্ৰান্তলৈ আগবঢ়াইছে সাহাৰ্য। মৰিগাঁৱৰ এইসকল শিক্ষিত যুৱক-যুৱতীক সহযোগিতা আগবঢ়োৱা ব্যক্তিজন হৈছে মৰিগাঁৱৰ সন্তান তথা গুৱাহাটী চিকিৎসা মহাবিদ্যালয়ৰ ফৰেনচিক মেডিচিন বিভাগৰ প্ৰদৰ্শক প্ৰবক্তা ডাঃ কুমাৰ পিংকু প্ৰতীম । মৰিগাঁও সাংস্কৃতিক উন্নয়ন মঞ্চ তথা মা নীলেশ্বৰী ষ্টুডিঅ' আৰু পৰিচয় নামৰ সংস্থাটোৰ মানৱ দৰদী যুৱক-যুৱতীৰ সহায়ত এই সাহাৰ্য আগবঢ়াই কুমাৰ পিংকু প্ৰতীমে ৷
যুৱক-যুৱতীৰ দলটোৱে শুকুৰবাৰে ক্ৰমে মৰিগাঁৱৰ চহৰৰ সমীপৱৰ্তী শিঙিমাৰী বিলমূৰ,খন্দাজান দলং,মৰিগাঁও পৌৰসভা এলেকাৰ নভেটি 9, 10 নং ৱাৰ্ড আৰু সিধাবাৰী গাঁৱকে ধৰি কেইবাখনো গাঁৱৰ পাঁচ শতাধিক বানাক্ৰান্তক সাহাৰ্য বিতৰণ কৰে ৷ প্ৰদান কৰা অত্যাৱশ্যকীয় খাদ্য সম্ভাৰৰ ভিতৰত আছিল চাউল,চেনি, আলু,দাইল,মিঠাতেল,চাবোন আদি ৷
লগতে পঢ়ক : কদৰ্যময় পৰিৱেশতে দিন পাৰ কৰিছে বৰপেটাৰ একাংশ বন্যাৰ্তই
