মৰিগাঁও, 30 জানুৱাৰীঃ ব্ৰহ্মপুত্ৰৰ গৰাখহনীয়াৰ পৰা পৰিত্ৰাণ পাবলৈ হাতে-কামে লাগিল লাহৰীঘাটবাসী । চৰকাৰৰ ওপৰত ভৰসা এৰি স্বয়ং গাওঁবাসী ওলাই আহিল খহনীয়াৰ প্ৰতিৰোধৰ বাবে ৷ লাহৰীঘাটত দীৰ্ঘদিন পৰা অব্যাহত থকা তীব্ৰ খহনীয়াৰ ফলত দিশহাৰা হৈ পৰিছে নৈ পৰীয়া লোক সকল । যাৰ বাবে উপায়ান্তৰ হৈ চৰকাৰৰ সাহায্য অবিহনেই নিজ ভেটি-মাটি ৰক্ষা বাবে বাঁহৰ বান্ধ দি খহনীয়াৰ প্ৰতিৰোধৰ চেষ্টা অব্যাহত ৰাখিছে অঞ্চলটোৰ নৈ পৰীয়া ৰাইজে ৷
বিগত বহু বছৰ ধৰি গৰাখহনীয়াৰ স্থায়ী প্ৰতিৰোধৰ বাবে চৰকাৰৰ ওচৰত বাৰম্বাৰ দাবী জনাই আহিছে যদিও চৰকাৰৰ ফালৰ পৰা কোনো ধৰণৰ ব্যৱস্থা গ্ৰহণ নকৰাত অঞ্চলটোৰ তিনিচুকীয়া, বগলীপৰা, পলাসগুৰি, লাহৰীঘাট, টেঙাগুৰি, ভূৰাগাঁৱৰ ৰাইজে স্বয়ং আৰ্থিক সাহায্য আগবঢ়োৱাৰ লগতে নিজৰ শ্ৰম দানেৰে বাঁহৰ বান্ধ দি খহনীয়াৰ প্ৰতিৰোধৰ বাবে চেষ্টা চলায় ৷ অঞ্চলটোৰ সৰ্বস্তৰৰ লোক সকলকো ওলাই আহি খহনীয়াৰ প্ৰতিৰোধৰ কামত সহায় সহযোগিতা আগবঢ়াবলৈ আহ্বান জনাইছে উদ্যোগতা সকলে ।
- লগতে চাওক- আমেৰিকাত উজলিল 'পাখি লগা মন' চুটি ছবি
