লাহৰীঘাটত দুই শিশুৰ সলিল সমাধি

শিশু দুটি টেঙাগুৰি জাতীয় বিদ্যালয়ত প্ৰথম আৰু দ্বিতীয় শ্ৰেণীত অধ্যয়নৰত আছিল । পিছত মৃতদেহ দুটা লাহৰীঘাট আৰক্ষীয়ে মৰণোত্তৰ পৰীক্ষাৰ বাবে মৰিগাঁও অসামৰিক চিকিৎসালয়লৈ প্ৰেৰণ কৰে।

লাহৰীঘাট, 9 জুনঃ লাহৰীঘাট থানাৰ অন্তৰ্গত টেঙাগুৰি গাঁৱত সলিল সমাধি দুটি শিশুৰ ৷ বিলত গা-ধুবলৈ গৈ টেঙাগুৰি গাঁৱৰ আশ্বিকুল ইছলামৰ দুই সন্তান ক্ৰমে জুবাইৰ আলম (৮),আলফিনা তাউহিদ(৬)ৰ সলিল সমাধি ঘটে ৷

উল্লেখ্য যে শনিবাৰে দুই ভাতৃ-ভগ্নী বিদ্যালয়ৰ পৰা আহি দিনৰ এক বজাত ঘৰৰ ওচৰতে জুগুনী বিলত গা-ধুবলৈ গৈ আৰু ঘৰলৈ উভতি নাহে । ফলত স্থানীয় ৰাইজৰ লগতে লাহৰীঘাট থানাৰ আৰক্ষীয়ে ৰাতি দুই বজালৈ বিলত শিশু দুটাক বিচাৰে যদিও কোনো সন্ধান নাপায় ।

কিন্তু দেওবাৰে পুৱা শিশু দুটিৰ মৃতদেহ পানীত ভাঁহি থকা দেখি পৰিয়ালৰ মাজত হাহাকাৰ অৱস্থাৰ সৃষ্টি হয়। শিশু দুটি টেঙাগুৰি জাতীয় বিদ্যালয়ত প্ৰথম আৰু দ্বিতীয় শ্ৰেণীত অধ্যয়নৰত আছিল। পিছত মৃতদেহ দুটা লাহৰীঘাট আৰক্ষীয়ে মৰণোত্তৰ পৰীক্ষাৰ বাবে মৰিগাঁও অসামৰিক চিকিৎসালয়লৈ প্ৰেৰণ কৰে।