মাজুলী , 08 মে': মাজুলীত কেন্দ্ৰীয় চৰকাৰৰ সংন্থা "ব্ৰহ্মপুত্ৰ বৰ্ড" আৰু বিৰ্তকিত অৰুনাচলৰ ঠিকাদাৰী সংন্থা "টি কে কোম্পানীৰ" বিৰুদ্ধে আছুৱে উত্তাল প্ৰতিবাদ সাব্যস্ত কৰে ৷ বুধবাৰে মাজুলীৰ অন্তৰ্গত ভকত চাপৰিৰ খহনীয়াগ্ৰস্ত ৰাইজ আছুৰ শ শ কৰ্মীয়ে ৰাজপথলৈ উলাই আহি সাব্যস্ত কৰে এই প্ৰতিবাদ ৷
"ব্ৰহ্মপুত্ৰ বৰ্ড" আৰু "টি কে কোম্পানীয়ে" মিলি 237 কোটি টকা আত্মস্যাৎ কৰাৰ অভিযোগ উত্থাপিত হয়৷ আৰু এই ভয়ংকৰ দুৰ্নীতিৰ তথ্য ইটিভি ভাৰতৰ বাতৰিত ফাদিল হৈছিল ৷ মাজুলী সুৰক্ষাৰ কামত এই দুৰ্নীতি দেখি ৰাইজে বৰ্ডৰ কনিষ্ঠ অভিযন্তাক লপাথপা দিছিল ৷ ইপিনে মঙলবাৰে নিশা ভকত চাপৰিৰ বিস্তিৰ্ন অংশ আৰু কোটি কোটি টকাৰ জিঅবেগ বৰলুইতত জাহ যায় ৷ ইয়াৰ পৰিপেক্ষিততে আজি মাজুলীৰ কমলাবাৰীত আছুৱে আৰু শ শ ৰাইজে প্ৰতিবাদ সাব্যস্ত কৰে ৷ প্ৰতিবাদী ৰাইজ সকলে "টি কে কোম্পানীৰ" মুৰব্বীক গ্ৰেপ্তাৰৰ দাবী কৰাৰ লগতে "ব্ৰহ্মপুত্ৰ বৰ্ড" ধ্বনিৰে উত্তাল কৰি তোলে কমলাবাৰী ৰাজপথ ৷ লগতে মাজুলীৰ সুৰক্ষাত থকা "টি কে কোম্পানীক" ব্লেক লিষ্ট কৰি নতুনকৈ অধিক শক্তিশালী কোম্পানীৰ দ্বাৰা মাজুলী সুৰক্ষাৰ কাম কৰিবলৈ দাবী জনাই প্ৰতিবাদী ৰাইজৰ আৰু আছুৰ কৰ্মী সকলে ৷
