মাজুলী , 12 অক্টোবৰ : ব্ৰহ্মপুত্ৰৰ বুকুত অঘটন ৷ যোৰহাট নিমাতীঘাট অভিমুখী ফেৰীৰ পৰা ব্ৰহ্মপুত্ৰৰ বুকুত বাগৰি পৰিল এগৰাকী লোক ৷ জানিব পৰা মতে মাজুলীৰ অফলামুখ নিমাতী ফেৰী ঘাটৰ পৰা যোৰহাট নিমাতী ঘাটলৈ আহিথকা এখন ফেৰীত এই অঘটন সংঘটিত হৈছে ৷ আজি পুৱা ৮ বজাত অফলামুখ পাৰঘাটৰ পৰা ফেৰীখন নিমাতী ঘাট অভিমুখে আহি আছিল ৷ ব্ৰহ্মপুত্ৰৰ বুকুত লোকজন বাগৰি পৰাত ফেৰীখনৰ কৰ্মচাৰী সকলে বাঁহ আৰু লাইফ জেকেট দি উদ্ধাৰৰ বাবে চেষ্টা কৰিছিল যদিও বিফল হয় ৷
বৰ্তমানেও সন্ধানহীন লোকজনৰ পৰিচয় লাভ কৰিব পৰা যোৱা নাই ৷ প্ৰত্যক্ষদৰ্শীৰ মতে নাঁৱৰ কাষলৈ আহি পিক পেলাবলৈ লওঁতেই যুৱকজন পিছলি নদীত পৰি যায় ৷
লগতে পঢ়ক: তিনিবছৰে পানীৰ তলত এটা প্ৰাথমিক স্বাস্থ্য কেন্দ্ৰঃ নিৰ্বিকাৰ স্বাস্থ্য বিভাগ
