মাজুলী,13 ডিচেম্বৰ: কেব বিৰোধী প্ৰতিবাদকাৰীক ৰাজ্যৰ বিভিন্ন প্ৰান্তত আৰক্ষী বাহিনীয়ে অমানৱীয় অত্যাচাৰ কৰি গুলি মাৰি-লাঠি চালনা কৰি মনোবল ভাঙিবলৈ পাৰ্যমানে চেষ্টা কৰাৰ পাছতো নদীদ্বীপ মাজুলীত হ্ৰাস পোৱা নাই অসমীয়াৰ প্ৰতিবাদ ৷ এইবাৰ মাজুলীৰ কেব বিৰোধী গণ প্ৰতিবাদত যোগদান কৰিলে মাজুলীৰ আউনীআটী সত্ৰৰ সত্ৰাধিকাৰ শ্ৰী শ্ৰী পীতাম্বৰ দেৱ গোস্বামীয়ে ৷ শুকুৰবাৰে হাজাৰ হাজাৰ লোকৰ অংশগ্ৰহণৰে মাজুলীৰ কমলাবাৰী চাৰিআলিত কেব বাতিলৰ দাবীত হোৱা গণসভাত অংশ লৈ উদাত্ত ভাষণ প্ৰদান কৰিলে সত্ৰাধিকাৰ গৰাকীয়ে ৷ প্ৰতিবাদস্থলীৰ পৰা তেওঁ চৰকাৰ অতি শীঘ্ৰে কেব বাতিল কৰিবলৈ সকিয়াই দি কয় যে যেতিয়ালৈকে কেব বাতিল নহয় তেতিয়ালৈ অব্যাহত থাকিব মাজুলীবাসীৰ প্ৰতিবাদ ৷ ইয়াৰ মাজতে সত্ৰাধিকাৰ গৰাকীয়ে কেব বাতিল নোহোৱা পৰ্যন্ত মাজুলীৰ প্ৰত্যেকজন নাগৰিকক নিজৰ বাসগৃহৰ আগফালে NO CAB লিখি ক'লা পতাকা ঘৰৰ আগত আঁৰি থবলৈ আহ্বান জনাই ৷
আৰু পঢ়ক: যোৰহাটত হাহাকাৰ পৰিস্থিতি
