মাজুলী, ২৭ ছেপ্টেম্বৰ : মাজুলী জেংৰাইমুখ থানাৰ অন্তৰ্গত জেংৰাইমুখ বালিচাপৰি ঘাটৰ পৰা দেওবাৰে বিয়লি জেংৰাইমুখ থানাৰ ভাৰপ্ৰাপ্ত বিষয়া দিলীপ কুমাৰ চুতীয়াৰ নেতৃত্বত যোৱা এটি দলে ত্ৰিছটাকৈ গৰুসহ তিনিজনকৈ অবৈধ গো-ব্যৱসায়ীক ২৫ ছেপ্টেম্বৰৰ বিয়লি আটক কৰে (illegal cattle traders including cows detained) । এক গোপন সূত্ৰৰ পমখেদি জেংৰাইমুখ আৰক্ষীয়ে ৰচিদ জালিয়াতি কৰি অনা এই গৰুকেইটা থানালৈ আনি আৰম্ভ কৰে তদন্ত ।
জানিব পৰা মতে, ৰচিদত উল্লেখ থকা এই পশুধনকেইটা গোগামুখ বৰ্ষামুখৰ ৰুণু টাইডৰ পৰা ব্যৱসায়ৰ বাবে মাজুলীলৈ আনিছিল । গৰু সৰবৰাহৰ লগত জড়িত ক্ৰমে বিপিন শইকীয়া আৰু বিজয় শইকীয়াৰ ওপৰত ইতিমধ্যেই জেংৰাইমূখ আৰক্ষীয়ে 379/IPC আৰু 13 (1) cattle act 21 নম্বৰত গোচৰ ৰুজু কৰিছে (illegal cattle traders detained in Majuli) ।
জব্দ কৰা গৰুকেইটা বৰ্তমানলৈকে জেংৰাইমুখ থানাতেই আছে ৷ আনহাতে, এই গৰুকেইটা ৰাখিবলৈ কোনো চৰকাৰী পাউণ্ড নথকাৰ বাবে বিমোৰত পৰিবলগা হৈছে আৰক্ষী ৷ উল্লেখ্য যে মাজুলীৰ পৰা অবৈধ ব্যৱসায়ীয়ে বিভিন্ন সময়ত এইদৰে গৰু যোৰহাট, লখিমপুৰ আৰু বোকাখাতলৈ সৰবৰাহ কৰি আহিছে (Majuli cattle trafficking) ।
অন্যহাতে, এই গৰুবোৰ অবৈধভাৱে বিভিন্ন সময়ত বাংলাদেশলৈ প্ৰেৰণ কৰি আহিছে বুলিও ভাৰপ্ৰাপ্ত আৰক্ষী বিষয়াজনে আমাক জানিবলৈ দিয়ে ৷ ইফালে ৩০ টাকৈ গৰু সৰবৰাহ কৰা লোককেইজনে ৰচিদত ব্যাপক জালিয়াতি কৰা পৰিলক্ষিত হৈছে ৷ ৰচিদত গৰু কিনি অনাৰ সংখ্যা জালিয়াতি, গৰু ক্ৰয়ৰ ধনৰ জালিয়াতি কৰাৰ তথ্য পোহৰলৈ আহিছে ৷
গো-ব্যৱসায়ীকেইটাৰ পৰা সাংবাদিকে এই ব্যৱসায় সম্পৰ্কে জানিব বিচৰাত মাজুলীৰ পৰাই বৃহৎ গো-ব্যৱসায় চলাই থকা বুলি জনিবলৈ দিয়ে ৷ আনহাতে, এই চক্ৰৰ লগত জড়িত গোগামুখ বৰ্ষামুখৰ ৰুণু টাইড নামৰ ব্যৱসায়ীজনক বৰ্তমানেও আটক কৰিব পৰা নাই আৰক্ষীয়ে ।
লগতে পঢ়ক :দলগাঁৱৰ পৰা আটক PFI ৰ দৰং জিলাৰ সভাপতি আনিছ আহমেদ
