বিহপুৰীয়া, 10 আগষ্ট: দেওবাৰে নাৰায়ণুৰত উপস্থিত হ'ল ৰাজ্যিক বিজেপিৰ কিষাণ মৰ্চাৰ সভাপতি পদত অধিস্থিত প্ৰফুল্ল বৰা ৷ নাৰায়ণপুৰত উপস্থিত হোৱাৰ পাচতে নৱ নিৰ্বাচিত কিষাণ মৰ্চাৰ সভাপতি গৰাকীক উষ্ণ আদৰণি জনালে দলটোৰ নেতা-কৰ্মী সকলে ৷ সভাপতিগৰাকী পুৱাৰ ভাগত নাৰায়ণপুৰত উপস্থিত হৈ প্ৰথমে দলীয় কাৰ্যালয় বাজপেয়ী ভৱনত অনুষ্ঠিত আদৰণি সভাত অংশগ্ৰহণ কৰে ৷ কাৰ্যালয়তে স্থানীয় বিধায়ক দেবানন্দ হাজৰিকাই আদৰনি জনালে নৱ নিযুক্তি সভাপতি গৰাকীক ৷
পৰৱৰ্তী সময়ত বিহপুৰীয়া আৰু উত্তৰ লখিমপুৰৰ আদৰণি সভাত অংশগ্ৰহণ কৰে প্ৰফুল্ল বৰাই ৷ অনাগত দিনত ৰাজ্য চৰকাৰৰ লগতে কেন্দ্ৰীয় চৰকাৰৰ প্ৰতিটো আঁচনিয়েই কৃষিখণ্ডলৈ আনি, কৃষি ক্ষেত্ৰত পৰিৱৰ্তন সাধন কৰিব বুুলি সংবাদ মাধ্যমযোগে উল্লেখ কৰে সভাপতি প্ৰফুল্ল বৰাই ৷ লগতে অসমৰ কৃষি ক্ষেত্ৰ খনৰ ব্ৰেণ্ড এম্বেচাডৰ হিচাপে নিৰ্বাচন কৰা কণ্ঠশিল্পী জুবিন গাৰ্গৰ জৰিয়তেও কৃষি ক্ষেত্ৰ পৰিৱৰ্তনৰ দিশত আগুৱাই যাব লাগিব বুলিও উল্লেখ কৰে প্ৰফুল্ল বৰাই ৷
লগতে পঢ়ক: আস্থাভোটত অংশ ল'ব মণিপুৰৰ বিধায়কবৰ্গই
