লখিমপুৰ, 10 জুন : গৰমে দহিছে ৰাজ্যবাসীক (Heat waves hits Assam) ৷ বিশেষকৈ এই গৰমত অশেষ কষ্ট ভোগ কৰিবলগাত পৰিছে ৰাজ্যৰ শিক্ষাৰ্থাসকল ৷ শিক্ষাৰ্থীসকলক গৰমৰ পৰা কিছু সকাহ দিবলৈ ৰাজ্যৰ চৰকাৰে বিদ্যালয়ৰ পাঠদানৰ সময়সূচী কিছু সলনি কৰিছে (School time change in Assam) ৷ কিন্তু ইমানৰ পাচতো ৰাজ্যৰ শিক্ষা বিভাগৰ জাননীক কেৰেপ নকৰি নিজৰ খিয়ালসূচী মতে বিদ্যালয়লৈ আহি থাকিল একাংশ চৰকাৰী শিক্ষক ৷
সময় বৃহস্পতিবাৰৰ পুৱা ৷ ৰাজ্যৰ শিক্ষা বিভাগৰ নিৰ্দেশ অনুসৰি, 7:30 বজাত বিদ্যালয়ত উপস্থিত হ’ল শিক্ষাৰ্থী ৷ 1/2 মিনিটকৈ ঘড়ীৰ কটা ঘূৰিল ৷ কিন্তু 9:30 বজালৈ বিদ্যালয়ত উপস্থিত নহ’ল প্ৰধান শিক্ষয়িত্ৰী আৰু সহকাৰী শিক্ষক ৷ আমি কৈ থকা এই বিশেষ বিদ্যালয়খন হৈছে নাওবৈচাৰ ‘‘কিমিন EX কলনী প্ৰাথমিক বিদ্যালয়’’ ৷
শুকুৰবাৰে বিদ্যালয়খনৰ প্ৰধান শিক্ষয়িত্ৰী আৰু সহকাৰী শিক্ষকৰ পূৰ্বেই বিদ্যালয়ত উপস্থিত হ’ল লখিমপুৰ জিলাৰ উপায়ুক্ত সুমিত সত্তাৱন (Sudden visit of Lakhimpur DC) ৷ বিদ্যালয়ৰ অৱস্থা দেখি চকু কপালত উঠিল জিলাৰ উপায়ুক্তগৰাকীৰ ৷ গুণোৎসৱত ডি গ্ৰেড পোৱা স্কুলত লখিমপুৰৰ উপায়ুক্তগৰাকীয়ে ছাডেন ভিজিট দিওঁতেই ওলাই পৰে উৰহী গছৰ উৰ ।
বিদ্যালয়ৰ বহু শিক্ষাৰ্থীয়ে নাজানে স্বৰ-বৰ্ণ আৰু ব্যঞ্জনবৰ্ণ ৷ আনকি বিদ্যালয়খনত মধ্যাহ্ন ভোজন আঁচনিৰ নামতো কেলেংকাৰী সংঘটিত হোৱাৰ অভিযোগ উত্থাপিত হৈছে ৷ উক্ত বিদ্যালয়খনৰ সামগ্ৰীক পৰিস্থিতি প্ৰত্যক্ষ কৰি ক্ষুন্ন হৈ পৰে উপায়ুক্তগৰাকী ।
ইফালে লখিমপুৰ জিলাৰ উপায়ুক্ত সুমিত সত্তাৱনে কিমিন EX কলনী প্ৰাথমিক বিদ্যালয়ৰ প্ৰধান শিক্ষয়ত্ৰীগৰাকীক পলমকৈ বিদ্যালয়লৈ অহাৰ কাৰণ সুধাত চালে-বেৰে কোবোৱা উত্তৰ দিয়ে তেওঁ ৷ ইফালে বিদ্যালয়খনৰ প্ৰধান শিক্ষয়ত্ৰীগৰাকীয়ে অধিক ছাত্ৰ-ছাত্ৰী দেখুৱাই চৰকাৰী ধন হৰলুকী কৰাৰো অভিযোগ উত্থাপিত হৈছে ৷ মধ্যাহ্ন ভোজনৰ নামত শিক্ষাৰ্থীক বিগত এটা এসপ্তাহে কেৱল খিচিৰি খোৱাই অহাৰো অভিযোগ উঠিছে ৷
ইফালে এই ছাডেন ভিজিটৰ পাচতে বিদ্যালয়খনৰ প্ৰধান শিক্ষয়িত্ৰী ইভাৰাণী চেতিয়া আৰু সহকাৰী শিক্ষক বিতোপন শইকীয়া বিৰুদ্ধে বিভাগীয় কৰ্তৃপক্ষক ব্যৱস্থা গ্ৰহণৰ নিৰ্দেশ দিয়ে উপায়ুক্তগৰাকীয়ে । উপায়ুক্তগৰাকীৰ নিৰ্দেশৰ পাচত শুকুৰবাৰে জিলা প্ৰাথমিক শিক্ষা বিষয়াই DEEO এক নিৰ্দেশযোগে প্ৰধান শিক্ষয়িত্ৰীগৰাকীক নিলম্বিত কৰে (North Lakhimpur School Headmaster Suspended After DCs Sudden Visit)।
লগতে পঢ়ক : Heat waves hits Assam: 6 জুনৰ পৰা সলনি হ’ব বিদ্যালয়ৰ পাঠদানৰ সময়
