ভৰ বাৰিষাত ৰঙানদী সাঁতুৰি পাৰ হ'ল এজন যুৱক

এই ভৰ বাৰিষাত সাহসিকতাৰ পৰিচয় দিছে লখিমপুৰৰ এজন যুৱকে । যুৱকজনে সাঁতুৰি পাৰ হৈছে ৰঙানদী । ভৰ বাৰিষাৰ কোবাল সোঁতে যুৱকজনক বাৰে বাৰে উটুৱাই নিয়াৰ পাছতো যুৱকজনে হাৰ নামানি সাঁতুৰি পাৰ হয় ৰঙানদী ।

লখিমপুৰ,11 জুলাইঃ ফেনে-ফোটোকাৰে উফন্দি উঠিছে মহাবাহুকে ধৰি নৈ-উপনৈসমূহ ৷ ৰাজ্যৰ বিভিন্ন প্ৰান্তত বান-খহনীয়াই সৃষ্টি কৰিছে হাহাকাৰ অৱস্থাৰ ৷ কিন্তু এই ভৰ বাৰিষাত সাহসিকতাৰ পৰিচয় দিছে লখিমপুৰৰ এজন যুৱকে । যুৱকজনে সাঁতুৰি পাৰ হৈছে ৰঙানদী । ভৰ বাৰিষাৰ কোবাল সোঁতে যুৱকজনক বাৰে বাৰে উটুৱাই নিয়াৰ পাছতো যুৱকজনে হাৰ নামানি সাঁতুৰি পাৰ হয় ৰঙানদী । যুৱকজনৰ দুঃসাহসিক কাৰ্যত আচৰিত হৈ পৰিছে স্থানীয় ৰাইজ ৷

উল্লেখ্য যে, বিগত চাৰিদিন ধৰি হৈ থকা নেৰানেপেৰা বৰষুণৰ বাবে বৃদ্ধি পাইছে লখিমপুৰ জিলাৰ ৰঙানদীৰ জলস্তৰ । বুৰ গৈছে লখিমপুৰৰ বহু অঞ্চল ।