জৰাজীৰ্ণ ঢকুৱাখানা-টেকেলিফুটা সংযোগী পথ

ঢকুৱাখনা নগৰৰ পৰা বকুলগুৰি হৈ টেকেলিফুটা পাৰ ঘাট সংযোগী গুৰুত্বপূৰ্ণ গড়কপ্তানি পথটো বিগত দুই/তিনিবছৰ ধৰি বিধস্ত হৈ থকাত যাতায়তৰ ক্ষেত্ৰত যমৰ যাতনা ভোগ কৰিব লগা হৈছে পথচাৰীয়ে।

ঢকুৱাখানা 3 মেঃ ঢকুৱাখানা-টেকেলিফুটা ঘাট সংযোগী পথৰ অৱস্থা অতি শোচনীয়৷ ঢকুৱাখনা নগৰৰ পৰা বকুলগুৰি হৈ টেকেলিফুটা পাৰ ঘাট সংযোগী গুৰুত্বপূৰ্ণ গড়কপ্তানি পথটো বিগত দুই-তিনিবছৰ ধৰি বিধস্ত হৈ থকাত যাতায়তৰ ক্ষেত্ৰত যমৰ যাতনা ভোগ কৰিব লগা হৈছে পথচাৰীয়ে। পথৰ মাজত সৃষ্টি হৈছে প্ৰকাণ্ড প্ৰকাণ্ড গাত। এজাক বৰষুণত পথটোত বোকা-পানীৰে ভৰি পৰে ৷ যাৰ বাবে পথচাৰীয়ে যাতায়তৰ সম্যসাৰ সৃষ্টি হৈছে ৷ মন কৰিবলগীয়া যে এইটো পথেৰেই টেকেলিফুটা ঘাট পাৰ হৈ শিৱসাগৰ জিলালৈ যোৱাৰ ব্যৱস্থা থকাত দৈনিক শ শ গাড়ী মটৰ, হাজাৰ হাজাৰ লোকে যাতায়ত কৰে,যদিও পথটোৰ মেৰামতি বা পুনৰ নিৰ্মাণৰ ব্যৱস্থা কৰা নাই গড়কাপ্তানি বিভাগে ৷