উন্নয়ণৰ নমুনাঃ পথৰ দুৰাৱস্থাত অতিষ্ঠ পথাচাৰী

ঐতিহ্যমণ্ডিত বাসুদেৱ থান এতিয়া পৰ্যটন ক্ষেত্ৰলৈ ৰূপান্তৰিত হৈছে যদিও পথটোৰ প্ৰতি চৰকাৰ তথা স্থানীয় বিধায়কৰ উদাসীনতাত ক্ষোভিত হৈ পৰিছে ঢকুৱাখনাৰ সচেতন ৰাইজ

লখিমপুৰ, ১ মেঃ লখিমপুৰৰ খজুৱা তিনিআলিৰ গড়কপ্তানি পথৰ দুৰাৱস্থাই জ্বলা-কলা খুৱাইছে পথাচাৰীক ।

ঐতিহ্যমণ্ডিত বাসুদেৱ থানলৈ অহা ভক্তৰ যমৰ-যাতনা। দীৰ্ঘ দিনধৰি ঢকুৱাখনাৰ পৰা ঐতিহাসিক বাসুদেৱ থান সংযোগী পথৰ দূৰৱস্থাই জ্বলা-কলা খোৱাইছে পথাচাৰীক।পথটোৰ মেৰামতি নকৰাৰ ফলত স্থানীয় লোকৰ লগতে বাসুদেৱ থানলৈ দৈনিক শ-শ ভক্তই যমৰ যাতনা ভুগিব লগীয়া হৈছে।

উল্লেখ্য যে, ঐতিহ্যমণ্ডিত বাসুদেৱ থান এতিয়া পৰ্যটন ক্ষেত্ৰলৈ ৰূপান্তৰিত হৈছে যদিও পথটোৰ প্ৰতি চৰকাৰ তথা স্থানীয় বিধায়কৰ উদাসীনতাত ক্ষোভিত হৈ পৰিছে ঢকুৱাখনাৰ সচেতন ৰাইজ । এতিয়া প্ৰশ্ন হয় উন্নয়ণৰ নামত সভাই সমিতিয়ে ঢাক-ঢোঁল বজাই ফুৰা বিজেপি মন্ত্ৰী-বিধায়ক সকলৰ এই দৃশ্যলৈ চকু পৰিবনে ?

অধিক পঢ়িবলৈ-ধাৰাষাৰ বৰষুণত স্তব্ধ যোৰহাটৰ জনজীৱন