লখিমপুৰ, ৭ মাৰ্চ : আগন্তুক বিধানসভাৰ নিৰ্বাচনৰ বাবে বিহপুৰীয়া সমষ্টিৰ পৰা ৰাইজৰ দলৰ হৈ প্ৰাৰ্থীত্ব লাভ কৰি দেওবাৰে নিজ সমষ্টিত উপস্থিত হয় অনুপ শইকীয়া ৷ সমষ্টিটোৰ দুৱাৰমুখ চহৰ হাৱাজানত উপস্থিত হোৱাৰ পাছত সমৰ্থকসকলে উষ্ম আদৰণি জনায় নেতাগৰাকীক ৷ দলৰ সমৰ্থকে বাইক আৰু গাড়ীৰে ৰেলীৰে অনুপ শইকীয়াক আদৰি নিয়াৰ লগতে জয়ধ্বনিৰে চৌদিশ উত্তাল কৰি তোলে ৷
ৰাইজৰ দলৰ প্ৰাৰ্থী অনুপ শইকীয়াক বিহপুৰীয়াত বিপুল আদৰণি
অনুপ শইকীয়াই ৰাইজৰ দলৰ হৈ প্ৰাৰ্থীত্ব লাভ কৰাৰ পাছতেই প্ৰচাৰ চলোৱাত ব্যস্ত হৈ পৰিছে প্ৰাৰ্থীগৰাকীৰ লগতে দলীয় সমৰ্থকসকল ৷ ৰাইজৰ দলে অসম জাতীয় পৰিষদৰ লগত সমষ্টিটোত মিত্ৰতা ভংগ কৰি অনুপ শইকীয়াক প্ৰাৰ্থীত্ব প্ৰদান কৰে ৷ দলৰ এই সিদ্ধান্তৰ পাছতেই আজি সমষ্টিটোত শইকীয়াক বিপুল আদৰণি জনায় ৰাইজৰ দলৰ সমৰ্থকে ৷
লগতে পঢ়ক : অগপৰ শেহতীয়া স্থিতি সন্দৰ্ভত প্ৰাক্তন মন্ত্ৰী গুণীন হাজৰিকাৰ প্ৰতিক্ৰিয়া
