কোকৰাঝাৰ,16 মাৰ্চ: কোকৰাঝাৰৰ কচুগাঁৱত ভোটাৰ পাৰ্টি ইণ্টাৰনেচনেলৰ বিশাল জনসভা ৷ অসমৰ প্ৰত্যেক সমষ্টিত শীঘ্ৰে প্ৰাৰ্থী ঘোষণা কৰাৰ কথা সদৰী দলীয় মুৰব্বীৰ ৷
ৰাজ্যজুৰি নিৰ্বাচনী বতাহ বলি থকাৰ মাজতে শনিবাৰে কোকৰাঝাৰৰ কচুগাঁৱত নিৰ্বাচনী ৰণদংকা বজায় ভোটাৰ পাৰ্টি ইন্টাৰনেচনেল নামৰ দলটোৱে ।আগন্তুক লোকসভাত 14 গৰাকীকৈ প্ৰাৰ্থী প্ৰক্ষেপৰ বাবে প্ৰস্তুত বুলি এক বিশাল জনসমাবেশত ভাষণ প্ৰদান কৰি জানিবলৈ দিয়ে দলটোৰ মুৰব্বী বিশ্বআত্মা ভৰতে৷
বিভিন্ন ৰাজনৈতিক দলৰ মিছা প্ৰতিশ্ৰুতিৰ বিৰুদ্ধে ভোটাৰসকলক ঐক্যবধ্যভাৱে থিয় দি সাধাৰণ ৰাইজৰ শক্তিক ভোটাৰ পাৰ্টি ইন্টাৰনেচনেলৰ যোগেদি ৰাজনৈতিক ক্ষমতালৈ সলনি কৰিবলৈ আহ্বান জনায় বিশ্বআত্মা ভৰতে ।
আনহাতে বৰ্তমানৰ চৰকাৰৰ নীতিক কটু সামালোচনা কৰি বিটিচিত অসন্তুষ্ট হৈ পৰা ডেকাসকলক অস্ত্ৰ এৰি সমস্যা সমাধানৰ বাবে তেওঁলোকৰ লগত যোগদান কৰিবলৈও আহ্বান জনায় দলটোৰ মুৰব্বীয়ে ৷
