কোকৰাঝাৰ, 5 জুলাইঃ কোকৰাঝাৰত 'মেগা মিছ নৰ্থ ইষ্ট' আৰু 'মেগা মিষ্টাৰ নৰ্থ ইষ্ট'ৰ অডিচন । উত্তৰ-পূৰ্বাঞ্চলৰ আটাইতকৈ বৃহৎ সৌন্দৰ্য্য প্ৰতিযোগিতাৰ আয়োজক 'মেগা ইণ্টাৰটেইনমেণ্টৰ' উদ্যোগত চহৰখনৰ গৌৰাং হোটেলত অনুষ্ঠিত হয় অডিচন । এই অডিচনৰ মাধ্যমৰে নিৰ্বাচিত যুৱক-যুৱতীসকলে 'ছানছিল্ক মেগা মিছ নৰ্থ ইষ্ট' আৰু 'মেগা মেন নৰ্থ ইষ্ট' 2019 ৰ খিতাপ লাভৰ বাবে প্ৰতিদ্বন্দ্বিতা আগবঢ়াব । অডিচনত কোকৰাঝাৰ লগতে নামনি অসমৰ বহু যুৱক-যুৱতীয়ে অংশগ্ৰহণ কৰে ।
কোকৰাঝাৰত 'মেগা মিছ নৰ্থ ইষ্ট'
উল্লেখযোগ্য যে, উত্তৰ-পূৰ্বাঞ্চলৰ বিভিন্ন ঠাই ক্ৰমে শ্বিলং, ইম্ফল, গুৱাহাটী আদি বিভিন্ন ঠাইত ইতিমধ্যে অডিচন অনুষ্ঠিত হৈ যায় । আনহাতে অহা 9 আগষ্টত গুৱাহাটীৰ মাছখোৱা আই টি প্ৰকল্পত অনুষ্ঠিত হ'ব চূড়ান্ত প্ৰতিযোগিতা ৷
