গোসাইগাঁৱত শান্তিপূৰ্ণভাৱে ভোটদান সম্পন্ন

বহু সময় EVM বিকল হৈছিল যদিও ভোটাৰ ৰাইজে কোনো ধৰণৰ উত্তপ্ত পৰিস্থিতি সৃষ্টি কৰা নাছিল । মাথো তেওঁলোকে ধৈৰ্য্য আৰু শান্তিপ্ৰিয় ভাৱে সমাপ্ত কৰে ভোটদান প্ৰক্ৰিয়া ।

কোকৰাঝাৰ, ২৩ এপ্ৰিলঃ গোসাইগাঁৱত ৰাজ্যৰ অন্তিম পৰ্যায়ৰ লোকসভা নিৰ্বাচনত ভোটাৰ ৰাইজে শান্তিপূৰ্ণভাৱে ভোট দান কৰে । বহি নাথাকিল 85 বছৰীয়া বয়োজ্যেষ্ঠ লোকসকলো ।

গোসাইগাঁও আৰু শ্ৰীৰামপুৰত ভোট গ্ৰহণ কেন্দ্ৰত পুৱাৰে পৰা আৰম্ভ হয় ৰাইজৰ লানি নিচিগা সোঁত । ইভিমি বিকল হোৱাতো ভোটাৰ সকলে শান্তিপূ্ৰ্ণভাৱে শাৰী পাতি ভোটদান কৰিলে গোঁসাইগাঁঁৱত । সমষ্টিৰ ভোটাৰ ৰাইজৰ মাজত পৰিৱৰ্তনৰ শ্লোগানেৰে সকলো ওলাই আহি নিজৰ নিজৰ ভোটাধিকাৰ সাব্যস্ত কৰে বুলি মন্তব্য । ইপিনে 85 বছৰ বয়সীয়া বৃদ্ধ এজনে হুইল চেয়াৰত আহি শ্ৰীৰামপুৰ ভোট কেন্দ্ৰত ভোটদান কৰি সকলোৰে মাজত আকৰ্ষণৰ কেন্দ্ৰ বিন্দু হৈ পৰে । পুৱাৰে পৰা আৰম্ভ হোৱা ভোট প্ৰক্ৰিয়া শান্তিপূৰ্ণ ভাৱে সম্পন্ন হৈছে বুলি ভোটাৰ ৰাইজে মন্তব্য কৰে ।