অসম-বংগ সীমান্তত ভয়ংকৰ গৰাখহনীয়া

বিধ্বস্ত মথাউৰি মেৰামতি কৰাৰ বাবে স্থানীয় বিধায়ক কোনো পদক্ষেক গ্ৰহণ নকৰাৰ অভিযোগ ৰাইজৰ । চৰকাৰ প্ৰশাসনক বাৰম্বাৰ অনুৰোধ কৰাৰ পাছতো গুৰুত্ব নিদিয়াৰ অভিযোগ ৷

গোসাইগাঁৱ, ২৬ ছেপ্টেম্বৰঃ অসম-বংগ সীমান্তৰ সোনকোষ নৈৰ গোসাইগাঁও ২৮ নং সমষ্টিৰ অন্তৰ্গত ২ নং গৰুমৰাচৰ সংকোষ নৈৰ ব্যাপক গৰাখহনীয়াত চিঙি পৰিছে মথাউৰি ৷ যিকোনো সময়তে সৃষ্টি হ'ব পাৰে ভয়ংকৰ পৰিস্থিতি ৷ শতাধিক গাঁও বুৰ যাব পাৰে বাঢ়নী পানীত ৷ নষ্ট হ'ব শ শ হেক্টৰ কৃষি ভূমি ৷ ভয়ংকৰ বিপদৰ কথা ভাবি আতংকিত হৈ পৰিছে অঞ্চলটোৰ ৰাইজ ৷

উল্লেখযোগ্য যে, বিধ্বস্ত মথাউৰি মেৰামতি কৰাৰ বাবে স্থানীয় বিধায়ক কোনো পদক্ষেক গ্ৰহণ নকৰাৰ অভিযোগ ৰাইজৰ । চৰকাৰ প্ৰশাসনক বাৰম্বাৰ অনুৰোধ কৰাৰ পাছতো গুৰুত্ব নিদিয়াৰ অভিযোগ ৷ অতিশীঘ্ৰে নৈৰ বান্ধৰ ব্যৱস্থা কৰিবলৈ অসম চৰকাৰৰ ওচৰত দাবী জনাইছে নৈ পৰীয়া ৰাইজে ।