গোসাঁইগাঁৱত জব্দ বৃহৎ পৰিমাণৰ চোৰাং কাঠ

কচুগাঁও বনাঞ্চলৰ পৰা চোৰাং বেপাৰীয়ে মূল্যবান শাল গছ কাটি নি থকা অৱস্থাতে বনকর্মীয়ে অভিযান চলাই ৬৩ টা প্ৰকাণ্ড কাঠৰ কুণ্ডা জব্দ কৰে

গোঁসাইগাঁও,10 জুন: গোসাঁইগাঁও মহকুমাৰ কচুগাঁও বন সংমণ্ডলৰ অন্তৰ্গত বৃত্তিবাড়ি গাঁৱত বন কৰ্মীৰ দল এটাই সোমবাৰে অভিযান চলাই জব্দ কৰে বৃহৎ পৰিমাণৰ চোৰাং শাল কাঠৰ কুণ্ডা । ভাৰত ভূটান সীমান্তৱৰ্তী কচুগাঁও বনাঞ্চলৰ গভীৰ হাবিৰ পৰা চোৰাং বেপাৰীয়ে মূল্যবান শাল গছ সমূহ কাটি নি থকা অৱস্থাতে বনকর্মীয়ে অভিযান চলাই ৬৩ টা প্ৰকাণ্ড কাঠৰ কুণ্ডা জব্দ কৰিবলৈ সক্ষম হয়।