কোকৰাঝাৰ 9 মে: বি টি এডিৰ কোকৰাঝাৰত এন আৰ চিৰ আপত্তিকৰণৰ নামত স্বদেশী লোকক হাৰাশাস্তি কৰাৰ গুৰুতৰ অভিযোগ উত্থাপিত হৈছে ৷ যাৰ পৰিপ্ৰেক্ষিতত কোকৰাঝাৰত জাতীয় দল-সংগঠনসমূহে মেৰু বিভাজন ঘটি হাৰাশাস্তিৰ বাবে জগৰীয়া কৰি আঙুলি টোৱাইছে আছু আৰু এবছুক ৷ আনকি এচাম ছদ্মবেশী লোকে হকে-বিহকে আপত্তিৰ বাবে অভিযোগ দাখিল কৰিছে সংশ্লিষ্ট এন আৰ চি কেন্দ্ৰসমূহত ৷ যাৰ বাবে প্ৰতিক্ৰিয়াৰ সৃষ্টি হৈছে বিভিন্ন মহলত ৷ এই সংক্ৰান্তত জিলা প্ৰশাসনে ৬ মে’ৰ পৰা আৰম্ভ কৰিছে অভিযুক্ত আৰ এন নম্বৰৰ পৰিয়ালৰ সদস্যৰ শুনানী প্ৰক্ৰিয়া ৷
কোকৰাঝাৰত চলি আছে এন আৰ চি কেন্দ্ৰত হেয়াৰিং প্ৰক্ৰিয়া
ইপিনে প্ৰশাসনে নতুনকৈ এন আৰ চিৰ আপত্তিৰ শুনানী জাৰী কৰালৈ পুনৰ বি টি এডি উত্তপ্ত হোৱাৰ সম্ভাৱনা প্ৰকট হৈ উঠিছে ৷ অৱশ্যে এই ক্ষেত্ৰত কোকৰাঝাৰৰ জিলা উপায়ুক্ত পাৰ্থপ্ৰতিম মজুমদাৰে এই ক্ষেত্ৰত কোনো ধৰণৰ অসুবিধা নহয় বুলি সাংবাদিকৰ আগত উল্লেখ কৰে।
