কৰিমগঞ্জ, 31 অক্টোবৰঃ ডিজিটেল যেন পৃথিৱীত সকলো সম্ভৱ এই পৃথিৱীত ৷ চৰকাৰে যিমানেই কঠোৰ আইন প্ৰণয়ন নকৰক কিয় একাংশ লোকে এতিয়াও এৰিব পৰা নাই পুৰণি প্ৰথা ৷ ত্ৰিপুৰাত সংঘটিত হৈছে এক আজৱ ঘটনা ৷ আওপুৰণি নিয়ম কানুন বাদ দি ডিজিটেল হৈছে সকলো,সময়ৰ পৰিৱৰ্তনত সকলো সম্ভৱ যে সেয়া প্ৰমাণ কৰিছে এই ঘটনাই ৷ দেশত মুছলমান সকলৰ মাজত থকা তিনি তালাক প্ৰথা বন্ধ কৰিছে যদিও ত্ৰিপুৰাত ডিজিটেল পদ্ধতিৰে এগৰাকী বিবাহিত মহিলাক স্বামীয়ে দিলে তিনি তালাক ৷ এই ঘটনা ত্ৰিপুৰাৰ জালাইবাৰীত ঘটিছে ৷ কৰ্মসূত্ৰে চৌদি আৰৱত থকা আবুল হুছেইন নামৰ লোকজনে তেখেতৰ পত্নীক হোৱাটছ এপৰ যোগেদি দিয়ে তিনি তালাক ৷
চৌদি আৰৱৰ পৰা ম'বাইল যোগে পত্নীক তিনি তালাক স্বামীৰ ইছলাম ধৰ্মৰ ৰীতি নীতি অনুসৰিয়েই বিবাহ হোৱা মহিলাগৰাকীৰ স্বামীয়ে প্ৰায়েই নিৰ্যাতন চলাই আহিছিল পত্নীক ৷ অক্টোবৰ মাহৰ 27 তাৰিখে হঠাৎ ম'বাইলৰ যোগেদি লাভ কৰা এটা মেচেজ যোগে পত্নীয়ে গম পায় তেওঁক তালাক দিয়াৰ কথা ৷ হঠাৎ স্বামীৰ এই মেচেজ লাভ কৰি হতভম্ব হয় পত্নী ৷ লগে লগে স্বামীক ফোন কৰে যদিও স্বামী আবুল হুছেইনে ফোন ৰিচিভ নকৰে ৷ আনহাতে স্বামীৰ পৰিয়ালে মহিলাগৰাকীক বহু দিনৰ পৰা নিৰ্যাতন চলাই অহাৰো অভিযোগ উত্থাপন কৰিছে ৷
ত্ৰিপুৰাত ডিজিটেল পদ্ধতিৰে তিনি তালাক পত্নীক ইফালে এই ঘটনাৰ পিচতে বুধবাৰে দুৰ্ভগীয়া ছালমা বেগমে কদমতলা আৰক্ষী থানাত স্বামীৰ বিৰুদ্ধে এক গোচৰ দিয়ে ৷ ঘটনা সম্পৰ্কত ত্ৰিপুৰা আৰক্ষীয়ে স্বামী আবুল হুছেইনৰ বিৰুদ্ধে 60/19 US, 498(এ), ভাৰতীয় দণ্ডবিধিৰ ফ'ৰ অফ দি মুছলিম প্ৰটেক্সন ৰাইটছ অন মেৰিড এক্ট 2019ত অনুসৰি এক গোচৰ ৰুজু কৰি তদন্ত অব্যাহত ৰাখিছে ৷ উল্লেখ্য যে,তিনি তালাক চৰকাৰে বন্ধ কৰাৰ পাছত ম'বাইলযোগে তালাক দিয়াত সৰ্বত্ৰে প্ৰতিক্ৰিয়াৰ সৃষ্টি হৈছে ৷
