কৰিমগঞ্জ, ২১ ফেব্ৰুৱাৰী: সমাগত ৰাজ্যৰ বিধানসভা নিৰ্বাচন । নিৰ্বাচনক কেন্দ্ৰ কৰি ৰাজনৈতিক দলসমূহৰ ব্যস্ততাৰ সমান্তৰালকৈ চৰকাৰী বিষয়া, কৰ্মচাৰীৰো বৃদ্ধি পাইছে ব্যস্ততা । নিৰ্বাচনী মহাখেলত অৱতীৰ্ণ হোৱাৰ বাবে টঙালি বান্ধিছে ৰাজনৈতিক নেতাইও । ইয়াৰ মাজতেই কৰিমগঞ্জত দেখা গ'ল সাংসদ আৰু জিলা উপায়ুক্তই টেনিছ খেলি অৱসৰ-বিনোদন কৰা ।
কৰিমগঞ্জৰ টেনিছ কোৰ্টত সাংসদ কৃপানাথ মাল্লা আৰু জিলা উপায়ুক্ত এম.পি. আন্বামুথানে আপোন মনৰে টেনিছ খেলাৰ দৃশ্য পৰিলক্ষিত হয় । কৰিমগঞ্জৰ সুদীৰ্ঘ পুৰণি টেনিছ কোৰ্টত কৃপানাথ মাল্লা, এম.পি. আন্বামুথানসহ কেইবাজনো শীৰ্ষ বিষয়া আৰু ৰাজনৈতিক নেতা, খৈলুৱৈৰ উপস্থিতিত নিৰ্বাচনৰ পূৰ্বে কৰিমগঞ্জ চহৰৰ টেনিছ কোর্টৰ উদ্বোধন কৰা হয় ।
সাংসদ কৃপানাথ মাল্লায় কয় যে, বহু পুৰণি টেনিছ কোৰ্টটোক পুনৰ উদ্বোধন কৰি আটক ধুনীয়া কৰি তোলা হৈছে । এয়া কৰিমগঞ্জৰ খেলুৱৈৰ বাবে অতি লাভজনক । এই টেনিছ কোৰ্টৰ দৰেই আগন্তুক নিৰ্বাচনো বিজেপিৰ বাবে অতি মসৃন হ'ব । জিলা উপায়ুক্ত এম.পি. আন্বামুথানে খেলৰ জড়িয়তে অৱসৰ-বিনোদনৰ কথা পোনপতীয়াকৈ প্ৰকাশ নকৰিলেও স্বাস্থ্যই প্ৰথম, স্বাস্থ্য ভালে থাকিলেহে সকলো ঠিকে থাকিব বুলি কয় ।
লগতে পঢ়ক:বছৰৰ তৃতীয়টো অসম ভ্ৰমণত প্ৰতিবাদৰ সন্মুখীন হ’ব নেকি মোডী !
