কৰিমগঞ্জ, 10 ফেব্ৰুৱাৰীঃ দেওবাৰে ৰাজ্যজুৰি উদযাপন কৰা হয় শন্ত শিৰোমণি শ্ৰী গুৰু ৰবিদাস জী'ৰ 643 সংখ্যক জন্মজয়ন্তী । কৰিমগঞ্জতো কৰিমগঞ্জ জিলা ৰবিদাস উন্নয়ন সমাজৰ ব্যৱস্থাপনাত পাথাৰকান্দি সমষ্টিৰ বৈঠাখাল এলেকাত এক আধ্যাত্মিক পৰিৱেশৰ মাজত পালন কৰা হয় শন্ত ৰবিদাস জী'ৰ 643 সংখ্যক জন্মজয়ন্তী ।
শন্ত ৰবিদাস জী'ৰ 643 সংখ্যক জন্মজয়ন্তী উদযাপন
দেওবাৰে পুৱা ভাগৱত শোভাযাত্ৰাৰে অনুষ্ঠানৰ শুভাৰম্ভ কৰা হয় ৷ দিনজোৰা মহাযজ্ঞ কাৰ্যসূচীৰ সাংস্কৃতিক অনুষ্ঠানেৰে অন্ত পৰে ৷ উক্ত অনুষ্ঠানত অতিথি হিচাপে উপস্থিত থাকে ৰাতাবাৰী আৰু পাথাৰকান্দি সমষ্টিৰ বিধায়ক বিজয় মালাকাৰ আৰু কৃষ্ণেন্দু পালে ৷ দুয়োটা সমষ্টিতে শন্ত ৰবিদাস জী'ৰ মন্দিৰ নিৰ্মাণৰ লগতে ৰবিদাস সমাজৰ বাবে নতুন উন্নয়ন পৰিষদ গঠনৰ বাবে প্ৰক্ৰিয়া আৰম্ভ কৰাৰ কথা ঘোষণা কৰে বিধায়কদ্বয়ে ৷
