বদৰপুৰ,২৮ আগষ্ট: বদৰপুৰৰ কান্দিগ্ৰামৰ ছয় নং ৰাষ্ট্ৰীয় ঘাইপথত ভয়ংকৰ পথ দুৰ্ঘটনা । মঙলবাৰে নিশা প্ৰায় ১০ বাজি ৩০ মিনিটত ৰাজপথত ৰখাই থোৱা এখন ট্ৰাকত এখন টুকটুক বাহনে প্ৰচণ্ড জোৰেৰে খুণ্ডা মৰাৰ ফলতেই সংঘটিত হয় এই দুৰ্ঘটনা । ঘটনাত গুৰুতৰ ভাৱে আহত হৈ বৰ্তমান শ্ৰীগৌৰি হাস্পতালত ভৰ্তি হৈছে টুকটুক বাহন খনৰ চালক গৰাকী ।
উল্লেখ্য যে উক্ত পথছোৱাত অবৈধ ভাৱে ট্ৰাক আৰু বিভিন্ন বাহন পাৰ্কিং কৰাৰ ফলতেই সংঘটিত হৈ আহিছে বহু দুৰ্ঘটনা । এই বিষয়ে প্ৰশাসনত বহু বাৰ অৱগত কৰাৰ পাছতো কৰিমগঞ্জ তথা বদৰপুৰ আৰক্ষী প্ৰশাসনে ইয়াৰ স্থায়ী সমাধানৰ বাবে কোনো ধৰণৰ উপায় গ্ৰহন নকৰাৰা অভিযোগ স্থানীয় ৰাইজৰ ।
