কৰিমগঞ্জত দাৰে ঘপিয়াই হত্যা এজনক

সোমবাৰে নিশা প্ৰায় 10 বজাত মাশুকৰ ৰহমান নামৰ এগৰাকী ব্যক্তিক বাসগৃহৰ সন্মুখতে হত্যা কৰে দুৰ্বৃত্তই ৷ উক্ত ঘটনাৰ খবৰ লাভ কৰি ঘটনাস্থলীত উপস্থিত হয় বদৰপুৰ আৰক্ষী ৷

কৰিমগঞ্জ,27 অক্টোবৰ: কৰিমগঞ্জত সংঘটিত হৈছে এক ভয়ংকৰ হত্যাকাণ্ড ৷ জিলাখনৰ ভাংগাত দাৰে ঘপিয়াই এগৰাকী লোকক হত্যা কৰে দুৰ্বৃত্তই ৷ ঘটনাৰ বিৱৰণী অনুসৰি, সোমবাৰে নিশা প্ৰায় 10 বজাত মাশুকৰ ৰহমান নামৰ এগৰাকী ব্যক্তিক বাসগৃহৰ সন্মুখতে হত্যা কৰে দুৰ্বৃত্তই ৷ উক্ত ঘটনাৰ খবৰ লাভ কৰি ঘটনাস্থলীত উপস্থিত হয় বদৰপুৰ আৰক্ষী ৷ আৰক্ষীয়ে মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে কৰিমগঞ্জ অসামৰিক চিকিৎসালয়লৈ প্ৰেৰণ কৰে ৷ লগতে আৰম্ভ কৰিছে ঘটনাৰ প্ৰাথমিক তদন্ত ৷ কিন্তু এইপৰ্যন্ত ঘটনাটোত জড়িত কোনো ব্যক্তিক আটক কৰিবলৈ সক্ষম হোৱা নাই কৰিমগঞ্জ আৰক্ষী ৷

লগতে চাওকঃ COVID-19: বিশ্বৰ ভিন্ন দেশৰ শেহতীয়া তথ্য