কৰিমগঞ্জ, 2 জুন : কৰিমগঞ্জত ভয়াবহ ভূমিস্খলনৰ ফলত একেটা পৰিয়ালৰে পাঁচ জন সদস্যই প্ৰাণ হেৰুৱাব লগা হ'ল ৷ কৰিমগঞ্জৰ কালীগঞ্জ এলেকাৰ কৰিমপুৰ 10 নম্বৰ ৱাৰ্ডত সংঘটিত হয় এই মৰ্মান্তিক ঘটনা ৷ শুই থকা অৱস্থাতে প্ৰাণ হেৰুৱাই আজিৰ উদ্দিন(56), তেওঁৰ পত্নী ৰাজিয়া বেগম(40), দুই পুত্ৰ আফতাৰ হুছেইন(10),আনোৱাৰ উদ্দিন(7) আৰু কন্যা তাহেৰা বেগমে(5) ।
কৰিমগঞ্জত ভূমিস্খলন
ঘটনাস্থলীত এছডিআৰএফ বাহিনী উপস্থিত হোৱাৰ পূৰ্বেই স্থানীয় ৰাইজে মাটি খান্দি মৃতদেহ কেইটা উদ্ধাৰ কৰে ৷ ঘটনাস্থলীত উপস্থিত হৈছে চক্ৰ বিষয়া আৰু কৰিমগঞ্জ সদৰ থানাৰ আৰক্ষী বিষয়া । বৰ্তমান সমগ্ৰ ঘটনাকলৈ অঞ্চলজুৰি শোকৰ ছাঁ পৰিছে ৷
