কৰিমগঞ্জত হস্ত নিৰ্মিত পিস্তলসহ দুজনক আটক

এক ডকাইতিৰ ঘটনাৰ তদন্ত কৰিবলৈ আৰক্ষীৰ লোক উপস্থিত হৈছিল ৰূপাৰগুল গাঁৱত । তেতিয়াই গোপন সূত্ৰৰ পম খেদি আন দুজন অপৰাধী কৰায়ত্ব কৰিবলৈ সক্ষম হৈছে আৰক্ষীয়ে । আটকাধীন লোক দুজন নিষিদ্ধ ড্ৰাগচ সৰবৰাহৰ লগত জড়িত থকাৰ সন্দেহ প্ৰকাশ কৰিছে আৰক্ষীয়ে ৷

কৰিমগঞ্জ, 17, আগষ্ট : কৰিমগঞ্জৰ নিলামবজাৰ আৰক্ষীৰ জালত পৰিল হস্ত নিৰ্মিত পিস্তলসহ দুই কুখ্যাত অপৰাধী । আটক হোৱা দুই অপৰাধী ক্ৰমে জামাল উদ্দিন আৰু এবাদ উদ্দিন । নিলামবজাৰ আৰক্ষী থানাৰ ভাৰপ্ৰাপ্ত আৰক্ষী বিষয়া মনোৰজ্ঞন সিনহাৰ নেতৃত্বত আৰক্ষীৰ এটা দলে গোপন সূত্ৰৰ ভিত্তিত অভিযান চলাই ৰূপাৰগুল এলেকাৰ পৰা দুজন লোকক আটক কৰে । এক ডকাইতিৰ ঘটনাৰ তদন্ত কৰিবলৈ আৰক্ষীৰ লোক উপস্থিত হৈছিল ৰূপাৰগুল গাঁৱত । তেতিয়াই গোপন সূত্ৰৰ পম খেদি আন দুজন অপৰাধীক কৰায়ত্ব কৰিবলৈ সক্ষম হৈছে আৰক্ষীয়ে । আটকাধীন লোক দুজন নিষিদ্ধ ড্ৰাগচ সৰবৰাহৰ লগত জড়িত থকাৰ সন্দেহ প্ৰকাশ কৰিছে আৰক্ষীয়ে ৷ আটকাধীন লোক দুজনৰ পৰা এটা হস্ত নিৰ্মিত পিস্তলো জব্দ কৰিছে আৰক্ষীয়ে ৷

ইতিমধ্যে লোক দুজনক আৰক্ষীয়ে সোধপোছ অব্যাহত ৰখাৰ লগতে ঘটনা সন্দৰ্ভত তদন্ত অব্যাহত ৰাখিছে ৷

লগতে পঢ়ক : পুলৱামাত সন্ত্ৰাসবাদীৰ দ্বাৰা সংস্থাপিত আই ই ডি উদ্ধাৰ