বদৰপুৰ,23 আগষ্টঃ অসমৰ বদৰপুৰৰ জীয়ৰী আৰু ত্ৰিপুৰা ধৰ্মনগৰৰ বোৱাৰী অমিতা নাথৰ হত্যাকাণ্ডই পাৰ কৰিলে 48ঘণ্টা ৷ বুধবাৰে ত্ৰিপুৰাৰ ধৰ্মনগৰত সংঘটিত হোৱা অসমৰ বদৰপুৰ জীয়ৰী অমিতা নাথৰ হত্যাকাণ্ডই পাৰ কৰিলে 48ঘণ্টা ৷ হত্যাকাণ্ডত জড়িত অভিযুক্তসকলক ফাঁচী দিয়াৰ বাবে ত্ৰিপুৰাৰ মুখ্যমন্ত্ৰী বিপ্লৱ দেৱ আৰু ত্ৰিপুৰা পুলিচ প্ৰশাসনৰ আগত কৰুণ আবেদন অমিতা নাথৰ এশ দহ বছৰীয়া পিতৃৰ ।
আজি ই টিভি ভাৰতৰৰ সাংবাদিকৰ আগত কান্দি কান্দি দুৰ্ভগীয়া পিতৃগৰাকীয়ে ত্ৰিপুৰাৰ মুখ্যমন্ত্ৰীগৰাকীক এই আবেদন জনায় ৷ উল্লেখযোগ্য যে, দহ বছৰ আগতে ধৰ্মনগৰৰ পোষ্ট অফিচ ৰোডৰ সুদীপ নাথৰ লগত বিবাহপাশত আৱদ্ধ হৈছিল ৷ বিয়াৰ পাচৰে পৰা অমিতা নাথক সুদীপ নাথৰ ডাঙৰ ককায়েক পাপ্পু নাথে সম্পত্তিক লৈ নানা ভয়-ভাবুকি দি আহিছিল ৷ তাৰ উপৰি যোৱা ছমাহ আগত অমিতা নাথৰ স্বামী সুদীপ নাথৰো মৃত্যু হয় ৷ ইয়াৰ পাছতে পাপ্পু নাথে যোৱা বুধবাৰে অমিতা নাথৰ ঘৰত ৰাতি প্ৰৱেশ কৰি তেখেতক হত্যা কৰি মৃতদেহটো স্থানীয় খেলপথাৰত পেলাই থয় যোৱাৰ অভিযোগ উত্থাপন হৈছে ৷
