কৰিমগঞ্জ, 7 আগষ্ট : ৰাজ্যত অব্যাহত আছে প্ৰতিবাদৰ ঢৌ ৷ এইবাৰ প্ৰতিবাদত উত্তাল হ’ল অসম-ত্ৰিপুৰা সীমান্ত ৷ প্ৰাপ্য বিচাৰি প্ৰতিবাদত বহিল বিক্ৰীকৰ পৰীক্ষণ চকীৰ অস্থায়ী কৰ্মচাৰীসকল ৷ বৃহস্পতিবাৰে চুৰাইবাৰী আৰু দিঘৰখাল গেটৰ যৌথ উদ্যোগত বিক্ৰীকৰ পৰীক্ষণ চকীৰ অস্থায়ী কৰ্মচাৰীসকলে স্থায়ী কৰ্ম সংস্থাপনৰ দাবীত ৰূপায়ণ কৰে এক ধৰ্ণা কাৰ্যসূচীৰ ৷
কিয়নো প্ৰাক্তন মুখ্যমন্ত্ৰী সৰ্বানন্দ সোণোৱালে মুখ্যমন্ত্ৰীৰ দায়িত্বভাৰ লোৱাৰ পাচতে সম্পূৰ্ণৰূপে বন্ধ কৰি দিয়া হৈছিল বিক্ৰীকৰ বিভাগৰ স্থায়ী কাৰ্যালয় ৷ যাৰ ফলত কৰ্তন হৈছিল বহুলোকৰ চাকৰি তথা কৰ্ম সংস্থাপন ৷ বিপাঙত পৰিছে এতিয়া শতাধিক বিক্ৰীকৰ বিভাগৰ অস্থায়ী কৰ্মচাৰীসকল ৷ চাকৰি কৰ্তনৰ পাচত পৰিয়াল পোহপাল দিয়াত অসমৰ্থ হৈ পৰিছে এতিয়া বিক্ৰীকৰ বিভাগৰ অস্থায়ী কৰ্মচাৰীসকল ৷
হঠাৎ বন্ধ হৈ যোৱা বিক্ৰীকৰ বিভাগৰ অস্থায়ী কৰ্মচাৰীসকলে উপযুক্ত কৰ্ম সংস্থাপনৰ দাবীত ৰাজ্য চৰকাৰৰ বিৰুদ্ধে বিভিন্ন শ্ল’গান দি সাব্যস্ত কৰে উত্তাল প্ৰতিবাদ ৷ বৰ্তমান বিক্ৰীকৰ বিভাগৰ সম্পূৰ্ণ কাম-কাজ চোৱাচিতা কৰে জিএছটি(GST) বিভাগে ৷ পূৰ্বৰ বিক্ৰীকৰ বিভাগৰ সকলো কাম-কাজ GST বিভাগক অৰ্পণ কৰা ক্ষোভিত হৈ পৰিছে এতিয়া বিক্ৰীকৰ বিভাগৰ অস্থায়ী কৰ্মচাৰীসকল ৷ এইক্ষেত্ৰত উচিত ব্যৱস্থা গ্ৰহণ কৰিবলৈ ৰাজ্য চৰকাৰক দাবী জনাই প্ৰতিবাদকাৰীসকলে ৷
লগতে পঢ়ক: বিলাসীপাৰাত বৃহত্ পৰিমাণৰ বিলাতী সুৰা-চুলাই মদ জব্দ
