কৰিমগঞ্জ আৰক্ষীৰ জালত গৰু চুৰি চক্ৰৰ সদস্য

কৰিমগঞ্জ জিলাত দৈনিক বৃদ্ধি পাইছে গৰু চুৰিৰ ঘটনা । বিশেষকৈ মহামাৰী ক'ৰণাৰ আতংকৰ এই সময়চোৱাত গৰু চোৰে অধিক উপদ্ৰৱ চলাইছে জিলাখনত । বৃহস্পতিবাৰে নিলাম বজাৰ আৰক্ষীয়ে আটক কৰিলে গৰু চুৰি চক্ৰৰ লগত জড়িত এটা চোৰক ।

কৰিমগঞ্জ, ৬আগষ্ট: বৃহস্পতিবাৰে এক গোপন সূত্ৰৰ পম খেদি কৰিমগঞ্জ জিলাৰ নিলাম বজাৰ আৰক্ষীয়ে ব্ৰাহ্মন শাসন গাঁৱৰ এটা বন্ধ গৃহৰ পৰা আটক কৰিলে গৰু চুৰি চক্ৰৰ লগত জড়িত এটা চোৰক । আটক হোৱা নজৰুল ইছলাম নামৰ এই চোৰটো এটা গৰু চুৰি চক্ৰৰ মূল অভিযুক্ত বুলি জানিবলৈ দিলে আৰক্ষীয়ে ।

উল্লেখ্য যে, মহামাৰী ক'ৰণাৰ আতংকৰ এই সময়চোৱাত এটা গৰু চুৰি চক্ৰই উপদ্ৰৱ চলাই আহিছিল জিলাখনৰ বিভিন্ন গাঁও সমূহত । বৃহস্পতিবাৰে আৰক্ষীয়ে আটক কৰা নজৰুল ইছলামৰ ঘৰ উত্তৰ কৰিমগঞ্জৰ ব্ৰাহ্মন শাসন গাঁৱত বুলি জানিব পৰা গৈছে ।