বদৰপুৰত অবৈধ বিদেশী সুৰা জব্দ

ৰে’ল গেট আৰু ৱদৰপুৰ ঘাটৰ কাষত থকা সৰু সৰু হোটেলৰ পৰা পাণ দোকানত অবৈধভাৱে সুৰা বিক্ৰীৰ ৰমৰমীয়া ব্যৱসায় চলি আহিছে

ৱদৰপুৰ,10 জুনঃ দীৰ্ঘ দিনৰ পৰা ৱদৰপুৰ চহৰত অবৈধভাৱে সুৰা বিক্ৰীৰ অভিযোগ উত্থাপিত হৈ আহিছে । ৰে’ল গেট আৰু ৱদৰপুৰ ঘাটৰ কাষত থকা সৰু সৰু হোটেলৰ পৰা পাণ দোকানত অবৈধভাৱে সুৰা বিক্ৰীৰ ৰমৰমীয়া ব্যৱসায় চলি আহিছে । সোমবাৰে ৱদৰপুৰ আৰক্ষী চকীৰ টাউন দাৰোগা প্ৰেমানন্দ শইকীয়াই অভিযান চলায় এশ বটল বিদেশী সুৰা জব্দ কৰে । কিন্তু এই সুৰাৰ সৈতে কোনো লোকক গ্ৰেপ্তাৰ কৰিব পৰা নাই । আৰক্ষীৰ তৰফৰ পৰা এই অবৈধ সুৰাৰ বিৰুদ্ধে অভিযান অধিক তীব্ৰতৰ কৰা হ’ব বুলি উল্লেখ কৰে ৷