বদৰপুৰত এন আৰ চিৰ বাবে এজন বৃদ্ধৰ প্ৰাণ যোৱাৰ সন্দেহ

এন আৰ চিৰ চূড়ান্ত তালিকাত নাম নহাৰ বাবেই দেওবাৰে পুৱাই বদৰপুৰ বিধানসভা এলেকাৰ দক্ষিণ বদৰপুৰৰ এজন বৃদ্ধই মৃত্যুক সাৱটি লোৱাৰ অভিযোগ পৰিয়ালবৰ্গৰ ৷

বদৰপুৰ,1 ছেপ্টেম্বৰঃ শনিবাৰে এন আৰ চিৰ চূড়ান্ত তালিকা প্ৰকাশ পোৱাৰ পিছতে বদৰপুৰত অঘটন ৷ বদৰপুৰত এন আৰ চিৰ বলি হোৱাৰ সন্দেহ এজনৰ ৷ অভিযোগ মতে,এন আৰ চি তালিকাত নাম নহাৰ বাবেই বদৰপুৰ বিধানসভা এলাকাৰ দক্ষিণ বদৰপুৰ জিপিৰ খলা গ্ৰামৰ এজন দৰিদ্ৰ বৃদ্ধই মৃত্যুক সাৱটি ল'লে ৷ মৃত্যু হোৱা বৃদ্ধাগৰাকীৰ নাম ফয়জুৰ ৰহমান । পৰিয়ালৰ অভিযোগ অনুসৰি, এন আৰ চি ৰ তালিকাত তেঁওৰ এগৰাকী কন্যা সন্তানৰ বাদে আন কোনো সদস্যৰ নাম অহা নাছিল ৷ এই কথাতে মানসিকভাৱে ভাগি পৰে বৃদ্ধাগৰাকী আৰু দেওবাৰে পুৱাই তেঁওক মৃত অৱস্থাত উদ্ধাৰ কৰে পৰিয়ালবৰ্গই ৷